ശ്രീനഗർ: ജമ്മു കശ്‌മീരിലെ ബാരാമുള്ള ജില്ലയിൽ ശനിയാഴ്‌ച നടന്ന ഗ്രനേഡ് ആക്രമണത്തിൽ രണ്ട് പോലീസുകാർക്ക് പരിക്കേറ്റു. ജില്ലയിലെ സോപൂർ ബസ് സ്‌റ്റാൻഡിലെ പോലീസ് പോസ്‌റ്റിലേക്ക് തീവ്രവാദികൾ ഗ്രനേഡ് എറിയുകയായിരുന്നു എന്ന് ജമ്മു കശ്‌മീർ പോലീസ് അറിയിച്ചു.
മുഹമ്മദ് അഫ്‌സൽ, ആസാദ് അഹ്‌മദ് എന്നിവർക്കാണ് സ്‌ഫോടനത്തിൽ പരിക്കേറ്റത്. ഇരുവരെയും ആശുപത്രിയിലേക്ക് മാറ്റി.
സംഭവത്തിൽ കേസ് രജിസ്‌റ്റർ ചെയ്‌ത്‌ അന്വേഷണം ആരംഭിച്ചതായി പോലീസ് വ്യക്‌തമാക്കി. അന്വേഷണം പുരോഗമിക്കുകയാണെന്നും ഭീകരാക്രമണത്തിന് പിന്നിലെ മുഴുവൻ പേരെയും ഉടൻ കണ്ടെത്തുമെന്നും പോലീസ് പ്രസ്‌താവനയിൽ അറിയിച്ചു. പ്രദേശത്ത് പോലീസ് സേനയെ വിശ്വസിച്ചിട്ടുണ്ട്.
Read Also: നിതീഷ് കുമാറിനെപ്പോലെ ‘ദുർബലനായ’ മുഖ്യമന്ത്രി രാജ്യത്ത് വേറെയില്ല; തേജസ്വി യാദവ്
