ന്യൂഡെൽഹി: ബംഗാൾ ഉൾക്കടലിൽ ഗുലാബ് ചുഴലിക്കാറ്റ് രൂപപ്പെട്ടു. ഇന്ന് വൈകിട്ടോടെ വിശാഖപട്ടണത്തിനും ഗോപാൽപൂരിനും ഇടയിൽ കര തൊട്ടേക്കും എന്നാണ് കരുതുന്നത്. 90 കിലോമീറ്റർ വരെ വേഗത്തിൽ കാറ്റ് വീശാൻ സാധ്യതയുണ്ട്.
ഈ സാഹചര്യത്തിൽ വടക്കൻ ആന്ധ്രയിലും ഒഡീഷയുടെ തെക്കൻ മേഖലയിലും ജാഗ്രതാ നിർദ്ദേശം പുറപ്പെടുവിച്ചു. രക്ഷാ പ്രവർത്തനത്തിനായി ദുരന്തനിവാരണ സേനാംഗങ്ങളെ വിന്യസിച്ചതായും മുൻകരുതൽ നടപടികൾ സ്വീകരിച്ചതായും സർക്കാർ അറിയിച്ചു.
ഒഡീഷയില് മാത്രം ദേശീയ ദുരന്തനിവാരണ സേനയുടെ 13 സംഘങ്ങളെ വിന്യസിച്ചിട്ടുണ്ട്. കോസ്റ്റുഗാര്ഡിന്റെ പതിനഞ്ചിലധികം ബോട്ടുകള് തീരമേഖലയില് സജ്ജീകരിച്ചിട്ടുണ്ട്. ഒഡീഷയുടെ തെക്കന് ജില്ലകളിലാണ് കൂടുതല് നാശനഷ്ടങ്ങള് ഉണ്ടാവാൻ സാധ്യതയുള്ളത്. ആന്ധ്രയുടെ വടക്കന് ജില്ലകളില് യെല്ലോ അലർട് പ്രഖ്യാപിച്ചിട്ടുണ്ട്. തീരമേഖലയില് നിന്ന് പരമാവധി ആളുകളെ മാറ്റിപാര്പ്പിച്ചു.
Most Read: കെ- റെയിൽ; യുഡിഎഫ് എതിർപ്പിൽ നിന്ന് പിൻമാറി സഹകരിക്കണമെന്ന് മുഖ്യമന്ത്രി