കോഴിക്കോട്: പിരിച്ചുവിട്ടതിന് എതിരെ കോടതിയെ സമീപിക്കാന് ഹരിത നേതാക്കള്. നീതി കിട്ടാന് ഏതറ്റം വരെയും പോകുമെന്ന് ഹരിത നേതാക്കള് പറഞ്ഞു. എംഎസ്എഫ് നേതാക്കള്ക്ക് എതിരെ വനിതാ കമ്മീഷന് നല്കിയ പരാതി പിൻവലിക്കണമെന്ന ലീഗ് നേതൃത്വത്തിന്റെ അന്ത്യശാസനം തള്ളിയതിന് പിന്നാലെയാണ് ഹരിതയെ പിരിച്ചുവിട്ടത്.
ഹരിത അച്ചടക്കം തുടര്ച്ചയായി ലംഘിച്ചുവെന്ന് പിഎംഎ സലാം പറഞ്ഞു. നിലവിലെ കമ്മിറ്റി കാലാവധി കഴിഞ്ഞതാണെന്നും ഹരിതയ്ക്ക് പുതിയ കമ്മിറ്റി ഉടന് രൂപീകരിക്കുമെന്നും സലാം പറഞ്ഞു.
ജൂണ് 22ന് കോഴിക്കോട്ട് എംഎസ്എഫ് സംസ്ഥാന സമിതി യോഗത്തിനിടെ പികെ നവാസും മലപ്പുറം ജില്ലാ ജനറല് സെക്രട്ടറി വി അബ്ദുള് വഹാബും നടത്തിയ ലൈംഗീക അധിക്ഷേപം ചൂണ്ടിക്കാട്ടിയാണ് വനിതാ വിഭാഗമായ ഹരിതയുടെ 10 നേതാക്കള് വനിതാ കമ്മീഷന് പരാതി നല്കിയത്.
എന്നാൽ, പാര്ട്ടിക്ക് കിട്ടിയ പരാതിയില് തീരുമാനം വരും മുമ്പേ വനിതാ കമ്മീഷന് പരാതി നല്കിയ ഹരിത നേതാക്കളുടെ നടപടി അച്ചടക്ക ലംഘനമെന്നായിരുന്നു പാര്ട്ടി നേതൃത്വത്തിന്റെ പൊതുവികാരം.
National News: അധ്യാപകർക്കും വിദ്യാർഥികൾക്കും കോവിഡ് ബാധ; തമിഴ്നാട്ടിൽ ആശങ്ക