തിരുവനന്തപുരം: കോവിഡ് വ്യാപനത്തിൽ സംസ്ഥാനത്തിന്റേത് ശാസ്ത്രീയമായ പ്രതിരോധ പ്രവർത്തനമെന്ന് ആരോഗ്യമന്ത്രി കെകെ ശൈലജ. ലോകത്തിലെ ഏറ്റവും കുറഞ്ഞ മരണ നിരക്കാണ് കേരളത്തിൽ ഉള്ളതെന്നും മന്ത്രി പറഞ്ഞു.
ഇനിയും രോഗികളുടെ എണ്ണം വർധിക്കാനുള്ള സാധ്യത തള്ളിക്കളയനാകില്ല. കൂടുതൽ വാക്സിൻ ആവശ്യപ്പെട്ട് കേന്ദ്രത്തിന് കത്തയച്ചിട്ടുണ്ടെന്നും മന്ത്രി വ്യക്തമാക്കി. മറ്റ് സംസ്ഥാനങ്ങളെക്കാൾ കാര്യക്ഷമമായി രോഗികളുടെ കണക്കും മരണനിരക്കും നൽകാൻ കേരളത്തിനാകുന്നുണ്ട്.
ആർസിസി മരുന്ന് ക്ഷാമത്തിൽ ഡയറക്ടർ അയച്ച കത്ത് സ്വാഭാവികമെന്നും മെഡിക്കൽ കോർപറേഷൻ സംഭരിക്കാത്ത മരുന്നുകൾക്കൊണ്ടാണ് ക്ഷാമം വന്നതെന്നും അത് ഉടൻ പരിഹരിക്കുമെന്നും മന്ത്രി അറിയിച്ചു.
Also Read: പ്രതിപക്ഷ നേതാവിന്റെ ഐശ്വര്യ കേരള യാത്ര ഇന്ന് സമാപിക്കും