തിരുവനന്തപുരം: സംസ്ഥാനത്ത് നാളെയോടെ തുലാവര്ഷം എത്താന് സാധ്യതയെന്ന് അറിയിച്ച് കേന്ദ്ര കാലാവസ്ഥ നിരീക്ഷണ കേന്ദ്രം. മലയോര ജില്ലകളില് ഇന്ന് മുതല് ഇടി മിന്നലോട് കൂടിയ ശക്തമായ മഴക്ക് സാധ്യതയെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പില് അറിയിച്ചു.
മുന്നറിയിപ്പിന്റെ അടിസ്ഥാനത്തില് കൊല്ലം, പത്തനംതിട്ട, ഇടുക്കി ജില്ലകളില് യെല്ലോ അലേര്ട്ട് പ്രഖ്യാപിച്ചു. അടുത്ത ദിവസങ്ങളില് തെക്കന് കേരളത്തിലും മധ്യകേരളത്തിലുമാണ് കൂടുതല് മഴക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം പറയുന്നത്. പത്തനംതിട്ട, കോട്ടയം, ഇടുക്കി ജില്ലകളില് നാളെ മഴയുടെ സാധ്യത കണക്കിലെടുത്ത് മുന്നറിയിപ്പ് നല്കിയിട്ടുണ്ട്.
വ്യാഴാഴ്ചയോടെ ബംഗാള് ഉള്ക്കടലില് പുതിയ ന്യൂനമര്ദ്ദം രൂപപ്പെട്ടേക്കും. കാലവര്ഷം രണ്ടു ദിവസത്തിനുള്ളില് രാജ്യത്തു നിന്ന് പൂര്ണമായും പിന്വാങ്ങുമെന്നും കാലാവസ്ഥാ നിരീക്ഷകര് അറിയിച്ചു. അതേസമയം മല്സ്യ ബന്ധന തൊഴിലാളികള്ക്ക് കടലില് പോകുന്നതിന് തടസമില്ല.
Read Also: ടൈംസ് നൗ ചാനൽ ഇന്ന് ഇന്ത്യൻ ജനതയോട് മാപ്പ് പറയും