തിരുവനന്തപുരം: നാളത്തോടെ വടക്കന് ബംഗാള് ഉള്ക്കടലില് ന്യൂനമർദ്ദം രൂപപ്പെടാന് സാധ്യതയുണ്ടെന്ന് കാലാവസ്ഥാ വകുപ്പ്. ന്യൂനമർദ്ദം ശക്തി പ്രാപിക്കുന്നതോടെ ഇന്നും നാളെയും ദുര്ബലമായി തുടരുന്ന കാലവര്ഷം ശനിയാഴ്ചയോടെ സജീവമാകുമെന്നും കാലാവസ്ഥാ വകുപ്പ് അറിയിച്ചു.
തുടർന്ന് തിരുവനന്തപുരം, തൃശൂര്, പാലക്കാട് ഒഴികെയുള്ള ജില്ലകളില് ശനിയാഴ്ച യെല്ലോ അലര്ട്ട് പ്രഖ്യാപിച്ചു. തിങ്കളാഴ്ച അതിശക്തമായ മഴയുണ്ടാകുമെന്നാണ് പ്രവചനം. ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് തിങ്കളാഴ്ച ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. പൊതുജനങ്ങളും സര്ക്കാര് സംവിധാനങ്ങളും ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദ്ദേശം നല്കി.
കേരള തീരത്ത് മണിക്കൂറില് പരമാവധി 50 കിലോമീറ്റര് വരെ വേഗത്തില് ശക്തമായ കാറ്റിനും ഉയര്ന്ന തിരമാലക്കും സാധ്യതയുണ്ട്. വെള്ളി മുതല് തിങ്കള് വരെ കേരള തീരത്ത് നിന്നുള്ള മൽസ്യബന്ധനം പൂര്ണമായി നിരോധിച്ചു. കടല്ക്ഷോഭം രൂക്ഷമാകാന് സാധ്യതയുള്ളതിനാല് അപകട മേഖലകളില് നിന്ന് അധികൃതരുടെ നിർദ്ദേശാനുസരണം മാറി താമസിക്കണമെന്നും ദുരന്തനിവാരണ അതോറിറ്റി നിർദ്ദേശം നല്കിയിട്ടുണ്ട്.
Also Read: മരംകൊള്ള; സമഗ്ര അന്വേഷണത്തിന് പ്രത്യേക സംഘങ്ങളെ നിയോഗിച്ച് വനംവകുപ്പ്