തദ്ദേശ തിരഞ്ഞെടുപ്പ്; പിസി ജോര്‍ജിന്റെ ഹരജി ഹൈക്കോടതി വിധി പറയാനായി മാറ്റി

By Team Member, Malabar News
Malabarnews_pc george
പിസി ജോർജ്

കൊച്ചി : കോവിഡ് വ്യാപനം നിലനില്‍ക്കുന്ന സാഹചര്യത്തില്‍ തദ്ദേശ തിരഞ്ഞെടുപ്പ് മാറ്റി വെക്കണമെന്ന് ആവശ്യപ്പെട്ട് പിസി ജോര്‍ജ് എംഎല്‍എ ഹൈക്കോടതിയില്‍ സമര്‍പ്പിച്ച ഹരജി വിധി പറയാനായി മാറ്റി വച്ചു. സംസ്‌ഥാനത്ത് കോവിഡ് വ്യാപനം രൂക്ഷമായി നിലനില്‍ക്കുന്ന സാഹചര്യത്തില്‍ തിരഞ്ഞെടുപ്പ് നടത്തുന്നത് പ്രായോഗികമല്ല എന്നാണ് അദ്ദേഹം ഹരജിയില്‍ പറയുന്നത്. എന്നാല്‍ കോവിഡ് പ്രോട്ടോക്കോള്‍ അനുസരിച്ച് തിരഞ്ഞെടുപ്പ് നടത്താന്‍ സജ്‌ജരാണെന്ന് തിരഞ്ഞെടുപ്പ് കമ്മീഷന്‍ കോടതിയില്‍ വ്യക്‌തമാക്കി.

കോവിഡ് വ്യാപനം രൂക്ഷമായതിനാല്‍ തിരഞ്ഞെടുപ്പ് നീട്ടണമെന്നും, തിരഞ്ഞെടുപ്പ് വിജ്‌ഞാപനം പുറപ്പെടുവിക്കുന്നത് കോടതി സ്‌റ്റേ ചെയ്യണമെന്നുമാണ് പിസി ജോര്‍ജ് ഹരജിയില്‍ ആവശ്യപ്പെട്ടത്. നിലവിലെ സാഹചര്യത്തില്‍ തിരഞ്ഞെടുപ്പ് നടത്തിയാല്‍ അത് സംസ്‌ഥാനത്ത് വലിയ ദുരന്തമായിരിക്കും സൃഷ്‌ടിക്കുക എന്നും, ജനങ്ങളുടെ ജീവിതത്തിന് മേലുള്ള വെല്ലുവിളി ആയിരിക്കുമെന്നും അദ്ദേഹം വ്യക്‌തമാക്കി.

തദ്ദേശ തിരഞ്ഞെടുപ്പുമായി ബന്ധപ്പെട്ട സുരക്ഷാ ക്രമീകരണങ്ങള്‍ ചര്‍ച്ച ചെയ്യാന്‍ സംസ്‌ഥാന പോലീസ് മേധാവിയും തിരഞ്ഞെടുപ്പ് കമ്മീഷനും കൂടിക്കാഴ്‌ച നടത്തി. പോലീസ് അസൗകര്യം പ്രകടിപ്പിച്ചില്ലെങ്കില്‍ ഒറ്റ ഘട്ടമായി തിരഞ്ഞെടുപ്പ് നടത്താനാണ് കമ്മീഷന്‍ തീരുമാനിച്ചിരിക്കുന്നത്. അല്ലാത്തപക്ഷം രണ്ട് ഘട്ടങ്ങളിലായി തിരഞ്ഞെടുപ്പ് നടക്കും. സംസ്‌ഥാനത്തെ നിലവിലെ സ്‌ഥിഗതികള്‍ ചര്‍ച്ച ചെയ്‌തായിരിക്കും അന്തിമ തീരുമാനത്തില്‍ എത്തുക.

Read also : മുന്നോക്ക സംവരണം; എതിര്‍പ്പ് ശക്‌തമാക്കാന്‍ സമസ്‌ത, ജിഫ്രി തങ്ങള്‍ മുഖ്യമന്ത്രിയെ കാണും

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE