വയനാട്: ഈ മാസം 26ന് നടക്കുന്ന ഹയർ സെക്കണ്ടറി തുല്യതാ പരീക്ഷയിൽ ജില്ലയിൽ നിന്ന് 601 പേർ പരീക്ഷയെഴുതും. സാക്ഷരതാ മിഷനാണ് പരീക്ഷ നടത്തുന്നത്. പ്ളസ് വൺ, പ്ളസ് ടു ഫൈനൽ പരീക്ഷയും ഇതോടൊപ്പം നടക്കും. രാവിലെ 10 മുതൽ 12.45 വരെയാണ് പരീക്ഷാ സമയം.
157 പുരുഷൻമാർ, 444 സ്‌ത്രീകൾ, 2 ട്രാൻസ്ജെൻഡേഴ്‌സ്, 7 ഭിന്നശേഷിക്കാർ എന്നിവരാണ് പരീക്ഷ എഴുതുന്നത്. പ്ളസ് ടുവിന് 290 പേരും, പ്ളസ് വണ്ണിന് 311 പേരും പരീക്ഷക്കിരിക്കും. മാനന്തവാടി ഹയർ സെക്കണ്ടറി സ്‌കൂൾ, ബത്തേരി സർവജന വൊക്കേഷണൽ ഹയർ സെക്കണ്ടറി സ്‌കൂൾ, കൽപ്പറ്റ ഗവ. വൊക്കേഷണൽ ഹയർ സെക്കണ്ടറി സ്‌കൂൾ, കണിയാമ്പറ്റ ഗവ. ഹയർ സെക്കണ്ടറി സ്‌കൂൾ എന്നിവയാണ് പരീക്ഷാ കേന്ദ്രങ്ങൾ.
ആശാ വർക്കർമാർ, പ്രീ പ്രൈമറി ടീച്ചർമാർ, അങ്കണവാടി ഹെൽപ്പർമാർ, വർക്കർമാർ, പോലീസ്, എസ്‌ടി പ്രൊമോട്ടർമാർ, ദിവസ വേതന തൊഴിലാളികൾ, കച്ചവടക്കാർ തുടങ്ങിയവരാണ് പരീക്ഷാർഥികൾ. ഹയർ സെക്കണ്ടറിയിൽ നിലവിലുള്ള ഗ്രേഡിങ് സമ്പ്രദായം തന്നയാണ് തുല്യതാ പരീക്ഷക്കും ബാധകം.
Read Also: രാത്രി 12 വരെ കടകൾ തുറക്കണം; ചിത്രീകരണ അനുമതി സ്വാഗതം ചെയ്യുന്നു-വിനോദ് ഗുരുവായൂർ
