ആശുപത്രി സംരക്ഷണ നിയമം; അടുത്ത മന്ത്രിസഭാ യോഗം ഓർഡിനൻസ് ഇറക്കും
ആരോഗ്യപ്രവർത്തകർക്ക് എതിരായ ആക്രമണങ്ങളിൽ കർശന ശിക്ഷ ഉറപ്പാക്കും. നിശ്‌ചിത സമയത്തിനുള്ളിൽ അതിക്രമ കേസുകളിൽ അന്വേഷണം പൂർത്തിയാക്കും. 2012ലെ ആശുപത്രി സംരക്ഷണ നിയമത്തിൽ ഭേദഗതികൾ വരുത്തിയാകും ഓർഡിനൻസ്.
തിരുവനന്തപുരം: കൊട്ടാരക്കര താലൂക്ക് ആശുപത്രിയിൽ അക്രമിയുടെ കുത്തേറ്റ് വനിതാ ഡോക്‌ടർ കൊല്ലപ്പെട്ടതിന്റെ പശ്‌ചാത്തലത്തിൽ ആശുപത്രി സംരക്ഷണ നിയമം നടപ്പിലാക്കാനൊരുങ്ങി സർക്കാർ. ഇത് സംബന്ധിച്ച് അടുത്ത മന്ത്രിസഭാ യോഗം ഓർഡിനൻസ് ഇറക്കും. മുഖ്യമന്ത്രി വിളിച്ച ഉന്നതതല യോഗത്തിലാണ് തീരുമാനം. ഹൈക്കോടതിയുടെ നിർദ്ദേശങ്ങളും ഓർഡിനൻസിൽ പരിഗണിക്കും. ആരോഗ്യ സർവകലാശാലയുടെ അഭിപ്രായവും തേടും.
ആരോഗ്യപ്രവർത്തകർക്ക് എതിരായ ആക്രമണങ്ങളിൽ കർശന ശിക്ഷ ഉറപ്പാക്കും. നിശ്‌ചിത സമയത്തിനുള്ളിൽ അതിക്രമ കേസുകളിൽ അന്വേഷണം പൂർത്തിയാക്കും. 2012ലെ ആശുപത്രി സംരക്ഷണ നിയമത്തിൽ ഭേദഗതികൾ വരുത്തിയാകും ഓർഡിനൻസ്. സുരക്ഷ ഉറപ്പാക്കാൻ പ്രധാന ആശുപത്രികളിൽ പോലീസ് ഔട്ട്പോസ്‌റ്റുകൾ സ്‌ഥാപിക്കും. മറ്റു ആശുപത്രികളിൽ പോലീസ് നിരീക്ഷണവും ഉറപ്പാക്കും.
എല്ലാ ആശുപത്രികളിലും സിസിടിവി സ്‌ഥാപിക്കും. പ്രതികളെ/ അക്രമ സ്വഭാവം ഉള്ളവരെ ആശുപത്രികളിൽ കൊണ്ടുവരുമ്പോൾ പ്രത്യേക സുരക്ഷ ഉറപ്പാക്കണം. വർഷത്തിൽ രണ്ടു തവണ ആശുപത്രികളിൽ സുരക്ഷാ ഓഡിറ്റ് നടത്തും. സർക്കാർ ആശുപത്രികളിൽ രാത്രികളിൽ കാഷ്വാലിറ്റിയിൽ രണ്ടു ഡോക്‌ടർമാരെ നിയമിക്കുന്നതും പരിഗണനയിലാണ്.
അതേസമയം, ആശുപത്രികൾ ആക്രമിക്കപ്പെടുന്ന പശ്‌ചാത്തലത്തിൽ സർക്കാർ ആശുപത്രികളിൽ സുരക്ഷാ വർധിപ്പിക്കണമെന്ന് ആവശ്യപ്പെട്ട് കെജിഎംഒഎ രംഗത്തെത്തി. മരണഭയം കൂടാതെ ആരോഗ്യ പ്രവർത്തകർക്ക് ജോലി ചെയ്യുന്നതിനും മികച്ച ചികിൽസ ജനങ്ങൾക്ക് ഉറപ്പ് വരുത്തുന്നതിനും വേണ്ട നടപടികൾ സ്വീകരിക്കണമെന്ന് ആവശ്യപ്പെട്ട് കെജിഎംഒഎ മുഖ്യമന്ത്രിക്ക് കത്ത് നൽകി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
