ന്യൂഡെല്ഹി: കോവിഡ് 19നു വേണ്ടിയുളള ദേശീയ ആരോഗ്യ ക്ലിനിക്കല് പ്രോട്ടോക്കോളില് നിന്ന് പ്ലാസ്മ തെറാപ്പി ഒഴിവാക്കാന് ആലോചിക്കുന്നതായി ഇന്ത്യന് കൗണ്സില് ഓഫ് മെഡിക്കല് റിസര്ച്ച് (ഐ.സി.എം.ആര്.) അറിയിച്ചു.
കോവിഡ് മൂലമുണ്ടാകുന്ന മരണ നിരക്ക് കുറക്കുന്നതില് പ്ലാസ്മ തെറാപ്പി ഫലപ്രദമല്ലെന്ന അനുമാനത്തില് നിരവധി പഠനങ്ങള് എത്തിച്ചേര്ന്നിട്ടുണ്ടെന്ന് ഐ.സി.എം.ആര്. ഡയറക്ടര് ബല്റാം ഭാര്ഗ ചൂണ്ടിക്കാട്ടി. റെംഡെസിവിര്, എച്ച്എസ്ക്യു എന്നിവയും കോവിഡ് 19 ചികില്സയില് പ്രതീക്ഷ ഫലം തരുന്നില്ലെന്നും അദ്ദേഹം കൂട്ടിച്ചേര്ത്തു.
’30 രാജ്യങ്ങളിലായി നടന്ന ലോകാരോഗ്യ സംഘടനയുടെ സോളിഡാരിറ്റി ട്രയലില് ഇന്ത്യയും പങ്കെടുത്തിരുന്നു. അതിന്റെ ഇടക്കാല റിപ്പോര്ട്ട് വെബ്സൈറ്റില് പ്രസിദ്ധീകരിച്ചിട്ടുണ്ട്. റിപ്പോര്ട്ട് അവലോകനം നടത്തിയിട്ടില്ല. എങ്കിലും ഈ മരുന്നുകള് പ്രതീക്ഷിച്ചിരുന്ന രീതിയില് പ്രവര്ത്തിക്കുന്നില്ല എന്നാണ് കണ്ടെത്തിയിരിക്കുന്നത്.’ ബല്റാം ഭാര്ഗവ പറഞ്ഞു.
കോവിഡ്-19 ബാധിച്ചവര് രോഗമുക്തര് ആയതിന് ശേഷവും മാസ്ക് ധരിക്കല് ഉള്പ്പടെയുളള മുന്കരുതല് സ്വീകരിക്കണമെന്നും അഞ്ച് മാസത്തിനുളളില് ആന്റിബോഡികള് ദുര്ബലപ്പെട്ടാല് വീണ്ടും രോഗബാധയുണ്ടാകാന് സാധ്യതയുണ്ടെന്നും അദ്ദേഹം കൂട്ടിച്ചേര്ത്തു.