ഇടുക്കി: മഴയുണ്ടെങ്കില്‍ ഇടുക്കി ഡാം തുറക്കേണ്ടി വരുമെന്ന് വൈദ്യുതി മന്ത്രി കെ കൃഷ്‌ണന്‍കുട്ടി. നിലവില്‍ ഇടുക്കി ഡാമിലെ ജലനിരപ്പ് 2397.14 അടിയാണ്. ഡാമിലേക്കുള്ള നീരൊഴുക്കിന് ചെറിയ കുറവ് വന്നതിനാല്‍ ഡാമിലെ ജലനിരപ്പ് കൂടുതല്‍ ഉയരില്ലെന്നാണ് പ്രതീക്ഷിക്കുന്നത്.
എന്നാൽ മഴ പ്രതികൂലമായാൽ ഡാം തുറക്കേണ്ടി വരുമെന്ന് മന്ത്രി വ്യക്‌തമാക്കി. അതേസമയം ഡാമില്‍ വൈകിട്ടോടെ റെഡ് അലര്‍ട് പ്രഖ്യാപിക്കേണ്ടി വരുമെന്ന് ഡാം അസിസ്‌റ്റന്റ് എഞ്ചിനീയര്‍ മാദ്ധ്യമങ്ങളോട് പറഞ്ഞു.
ഇപ്പോഴത്തെ നീരൊഴുക്ക് അനുസരിച്ച് വൈകിട്ടോടെ റെഡ് അലര്‍ട്ട് പ്രഖ്യാപിക്കേണ്ടി വരും, എന്നാല്‍ നിലവില്‍ ഭയപ്പെടേണ്ട സാഹചര്യമില്ല. മൂലമറ്റം പവര്‍ഹൗസില്‍ വൈദ്യുതി ഉൽപാദനം വര്‍ധിപ്പിച്ചിട്ടുണ്ട്. കൃത്യമായ മുന്നറിയിപ്പുകള്‍ക്ക് ശേഷമേ ഡാം തുറക്കൂ എന്നാണ് അധികൃതർ നൽകുന്ന ഉറപ്പ്.
Must Read: സംസ്ഥാനത്ത് കോളേജുകള്‍ തുറക്കുന്നത് വീണ്ടും നീട്ടി
