തിരുവനന്തപുരം: സംസ്‌ഥാനത്ത് ആരോഗ്യ സ്‌ഥാപനങ്ങളിലെ സുരക്ഷാ വീഴ്‌ചയ്‌ക്ക് തെളിവായി തിരുവനന്തപുരത്തെ ആശുപത്രികള്‍. തലസ്‌ഥാനത്ത് മാത്രം 117 ആശുപത്രികളില്‍ മതിയായ അഗ്‌നിശമന സംവിധാനങ്ങള്‍ നിലവില്ലെന്നാണ് റിപ്പോർട്ടിൽ പറയുന്നത്. ഫയര്‍ഫോഴ്‌സ് ഓഡിറ്റ് റിപ്പോര്‍ട് ജില്ലാ കളക്‌ടർക്ക് കൈമാറി.
കോവിഡ് വ്യാപനത്തിനിടെ ആശുപത്രികളിലെ തിരക്ക് വര്‍ധിക്കുകയാണ്. ഈ പശ്‌ചാത്തലത്തിലാണ് തിരുവനന്തപുരത്തെ വിവിധ ആശുപത്രികളില്‍ ഫയര്‍ഫോഴ്‌സ് പരിശോധന നടത്തിയത്. സര്‍ക്കാര്‍-സ്വകാര്യ ആശുപത്രികൾ ഉള്‍പ്പെടെ 117 ആശുപത്രികളില്‍ അഗ്‌നിശമന സുരക്ഷാ ക്രമീകരണങ്ങള്‍ ഇല്ലെന്നാണ് കണ്ടെത്തിയത്.
ഇതില്‍ 50 എണ്ണം കോവിഡ് ആശുപത്രികളാണ്. ഇതില്‍ പതിനാല് ആശുപത്രികള്‍ക്ക് എന്‍ഒസി ഇല്ല. 16 ആശുപത്രികളില്‍ മതിയായ സുരക്ഷാ ക്രമീകരണങ്ങളും ഇല്ലെന്നാണ് കണ്ടെത്തല്‍.
തിരുവനന്തപുരം മെഡിക്കല്‍ കോളേജ്, ജനറല്‍ ആശുപത്രി, ആര്‍സിസി, എസ്എടി തൈക്കാട് എന്നിവിടങ്ങളിലും മതിയായ സുരക്ഷാ ക്രമീകരണങ്ങള്‍ ഇല്ലെന്ന് ഫയര്‍ഫോഴ്‌സ് ഓഡിറ്റ് റിപ്പോര്‍ട്ടില്‍ പറയുന്നു.
Read Also: ലോക്ക്‌ഡൗൺ ലംഘനം; രമ്യാ ഹരിദാസും വിടി ബൽറാമും ഉൾപ്പടെ 6 പേർക്കെതിരെ കേസ്
