ഫത്തോര്‍ഡ: ഐഎസ്എൽ 2020ലെ കേരള ബ്ളാസ്‌റ്റേഴ്‌സ് എഫ്‌സി-ബെംഗളൂരു എഫ്‌സി പോരാട്ടം സമനിലയിൽ അവസാനിച്ചു. 28ആം മിനിറ്റിൽ സെലിറ്റൺ സിൽവയാണ് ബെംഗളൂരുവിന് സമനില ഗോൾ നേടിക്കൊടുത്തത്. ബ്ളാസ്‌റ്റേഴ്‌സ് പ്രതിരോധ താരം ലാൽറുവത്താരയുടെ പിഴവിൽ നിന്നും പന്ത് പിടിച്ചെടുത്ത സിൽവ എളുപ്പത്തിൽ പന്ത് വലയിലെത്തിച്ചു.
17ആം മിനിറ്റിൽ മലയാളി താരം കെ.പി.രാഹുലാണ് ബ്ളാസ്‌റ്റേഴ്‌സിന് വേണ്ടി സ്കോർ ചെയ്‌തത്‌. ഹൂപ്പറുടെ മികച്ച പാസിൽൽ നിന്നാണ് രാഹുൽ ഗോൾ നേടിയത്. കൗണ്ടർ അറ്റാക്കിലൂടെ പിറന്ന ഗോൾ രാഹുലിന്റെ ഈ സീസണിലെ ആദ്യത്തേതാണ്.
Also Read: അവര്‍ കര്‍ഷകരല്ല എങ്കിൽ ചര്‍ച്ചക്ക് വിളിക്കുന്നത് എന്തിന്; ചിദംബരം
ബ്ളാസ്‌റ്റേഴ്‌സ് ഇന്ന് ടീമിൽ നാല് മാറ്റങ്ങൾ വരുത്തിയപ്പോൾ ബെംഗളൂരു രണ്ട് മാറ്റങ്ങളാണ് കൊണ്ടുവന്നത്. സീസണിൽ ഇതുവരെ വിജയം നേടാതിരുന്ന ബ്ളാസ്‌റ്റേഴ്‌സിന്റെ ജീവൻമരണ പോരാട്ടമായിരുന്നു ഇന്ന്. 4 മൽസരങ്ങൾ പൂര്‍ത്തിയാക്കിയപ്പോള്‍ രണ്ട് സമനിലയും രണ്ട് തോല്‍വികളുമാണ് ബ്ളാസ്‌റ്റേഴ്‌സിന്റെ അക്കൗണ്ടിലുള്ളത്. വെറും രണ്ട് പോയന്റ് മാത്രമുള്ള ടീം പോയിന്റ് പട്ടികയില്‍ ഒന്‍പതാം സ്‌ഥാനത്താണ്. അവസാന മൽസരത്തില്‍ ഗോവയോട് ഒന്നിനെതിരെ മൂന്നുഗോളുകള്‍ക്ക് തോറ്റതിന് ശേഷം കളിക്കളത്തിലിറങ്ങിയ മഞ്ഞപ്പടയെ ഇന്നും ഭാഗ്യം തുണച്ചില്ല.
മറുവശത്ത്, സീസണിൽ ഒരു തോൽവി പോലും വഴങ്ങാതെയാണ് സുനിൽ ഛേത്രി നയിക്കുന്ന ബെംഗളൂരു എഫ്‌സി ഇന്നിറങ്ങിയത്. 4 മൽസരങ്ങളില്‍ നിന്നും ഒരു ജയവും 3 സമനിലയുമുള്ള ബെംഗളൂരു പട്ടികയില്‍ അഞ്ചാമതാണ്.
