ഐഎസ്എല്ലില് പത്താം മല്സരത്തിനായി കേരള ബ്ളാസ്റ്റേഴ്സ് ഇന്ന് കളത്തില് ഇറങ്ങുന്നു. 9 മല്സരങ്ങളില് നിന്ന് ഒരു ജയവും 6 പോയിന്റുമായി പട്ടികയില് 10ആം സ്ഥാനത്തുള്ള ബ്ളാസ്റ്റേഴ്സിന് ഇന്ന് ജയം മാത്രമാണ് ലക്ഷ്യം. കരുത്തരായ ജംഷെഡ്പൂര് എഫ്സിയാണ് ബ്ളാസ്റ്റേഴ്സിന്റെ എതിരാളികള്.
കേരള ബ്ളാസ്റ്റേഴ്സിന് ഇതുവരെ തോല്പ്പിക്കാന് കഴിയാത്ത ടീം കൂടിയാണ് ജംഷെഡ്പൂര് എഫ്സിയെന്നത് ആരാധകരുടെ നെഞ്ചിടിപ്പ് കൂട്ടുന്നുണ്ട്. ആറു തവണ ഏറ്റുമുട്ടിയിട്ടും ഇതുവരെ ജംഷെഡ്പൂരിനെ തോല്പ്പിക്കാന് മഞ്ഞപ്പടക്ക് ആയിട്ടില്ല. 9 മല്സരങ്ങളില് നിന്ന് മൂന്ന് ജയമടക്കം 13 പോയിന്റുള്ള ജംഷെഡ്പൂര് പോയിന്റ് പട്ടികയില് അഞ്ചാമതാണ്.
അതേസമയം സീസണില് ഒരു ജയം മാത്രം സ്വന്തമായുള്ള ബ്ളാസ്റ്റേഴ്സിന്റെ പ്ളേ ഓഫ് പ്രതീക്ഷകള് ഇതിനകം തന്നെ മങ്ങിയിരിക്കുക ആണ്. കേരളത്തിന് പിറകില് ഒഡീഷ കൂടി ഫോമില് എത്തിയതോടെ ബ്ളാസ്റ്റേഴ്സിന്റെ പത്താം സ്ഥാനവും ഭീഷണിയില് ആയിരിക്കുകയാണ്.
മുന്നേറ്റ നിരയുടെയും പ്രതിരോധ നിരയുടെയും ഒരുപോലെയുള്ള മോശം പ്രകടനമാണ് ബ്ളാസ്റ്റേഴ്സിനു തിരിച്ചടിയാവുന്നത്. ഇതുവരെ 17 ഗോളുകള് വഴങ്ങിയ ബ്ളാസ്റ്റേഴ്സിന്റെ പ്രതിരോധ നിരയുടെ പ്രകടനം വളരെ ദയനീയമാണ്. ലീഗിലെ ഏറ്റവും മോശം റെക്കോര്ഡ് കൂടിയാണിത്. ഇന്നത്തെ മല്സരത്തില് കിബു വികൂന കാര്യമായ മാറ്റങ്ങള് വരുത്തുമോ എന്ന് കണ്ടറിയേണ്ടത് തന്നെയാണ്. പരിക്കേറ്റ നിശു കുമാറിന് പകരം പ്രശാന്ത് ആകും റൈറ്റ് ബാക്കായി ഇന്ന് ബ്ളാസ്റ്റേഴ്സ് ഇലവനില് ഇറങ്ങുക.
Read Also: സിറാജിനു നേരെ വീണ്ടും വംശീയാധിക്ഷേപം; 6 ഓസീസ് ആരാധകര്ക്കെതിരെ നടപടി