ചെന്നൈ: രാജ്യത്തിന്റെ നാൽപ്പത്തി രണ്ടാമത് വാർത്താവിനിമയ ഉപഗ്രഹമായ സിഎംഎസ്-01 വിജയകരമായി വിക്ഷേപിച്ചു. ഇസ്രോയുടെ ഈ വർഷത്തെ രണ്ടാമത്തെ ദൗത്യമാണ് സിഎംഎസ്-01. പി‌എസ്‌എൽ‌വി-സി 50 റോക്കറ്റാണ് ഉപഗ്രഹവുമായി ബഹിരാകാശത്തേക്ക് പറന്നത്. ഇന്ന് ഉച്ചക്ക് 3.41ന് ശ്രീഹരിക്കോട്ടയിലെ സതീഷ് ധവാൻ സ്‌പേസ് സെന്ററിൽ വച്ചായിരുന്നു വിക്ഷേപണം.
#PSLVC50 lifts off successfully from Satish Dhawan Space Centre, Sriharikota#ISRO #CMS01 pic.twitter.com/9uCQIHIapo
— ISRO (@isro) December 17, 2020
പി‌എസ്‌എൽ‌വിയുടെ അൻപത്തി രണ്ടാം ദൗത്യമായിരുന്നു ഇന്നത്തേത്. ബംഗാൾ ഉൾക്കടലിലെ ന്യൂനമർദത്തെത്തുടർന്നു മാറ്റിവച്ചതാണ് വിക്ഷേപണം. ഇസ്രോയുടെ ഈ വർഷത്തെ അവസാനത്തെ ദൗത്യമാണിത്. ആൻഡമാൻ, ലക്ഷദ്വീപ് എന്നീ പ്രദേശങ്ങളെ കൂടി ചേർത്തതാണ് പുതിയ ഉപഗ്രഹത്തിന്റെ പരിധി.
Read Also: കുണാൽ കമ്രക്ക് എതിരായ കോടതി അലക്ഷ്യ ഹരജി; വെള്ളിയാഴ്‌ച വിധി പറയും
