സ്വപ്‌നക്ക് സുരക്ഷ ഒരുക്കണമെന്ന ഉത്തരവിനെതിരെ ജയില്‍വകുപ്പ് ഹൈക്കോടതിയില്‍

By Team Member, Malabar News
Malabarnews_high court
Representational image
Ajwa Travels

കൊച്ചി : സ്വര്‍ണ്ണക്കടത്ത് കേസിലെ പ്രതി സ്വപ്‌ന സുരേഷിന് ജയിലില്‍ ഭീഷണി ഉണ്ടായിട്ടില്ലെന്ന് വ്യക്‌തമാക്കി ജയില്‍വകുപ്പ്. ജയില്‍ ഡിജിപി ഋഷിരാജ് സിംഗാണ് ഇക്കാര്യം വ്യക്‌തമാക്കിയത്. അതിനാല്‍ തന്നെ സ്വപ്‌നക്ക് ജയിലില്‍ സുരക്ഷ ഒരുക്കണമെന്ന ഉത്തരവിനെതിരെ ജയില്‍വകുപ്പ് ഹൈക്കോടതിയെ സമീപിച്ചു.

ജയിൽവകുപ്പ് ഹൈക്കോടതിയില്‍ സമര്‍പ്പിച്ച അപ്പീലില്‍ ജയില്‍വകുപ്പിന്റെ ഭാഗം കേള്‍ക്കാതെയാണ് കോടതി ഉത്തരവ് പുറപ്പെടുവിച്ചതെന്ന ആരോപണവും ഉന്നയിക്കുന്നുണ്ട്. സ്വപ്‌നക്ക് ജയിലില്‍ മതിയായ സുരക്ഷ ഉണ്ടെന്നും, കോടതി ഉത്തരവ് ജയില്‍ വകുപ്പിന്റെ വിശ്വാസ്യതയെയാണ് ചോദ്യം ചെയ്യുന്നതെന്നും അപ്പീലില്‍ വ്യക്‌തമാക്കുന്നുണ്ട്.

സ്വര്‍ണ്ണക്കടത്ത് കേസുമായി ബന്ധപ്പെട്ട് ഉന്നതരുടെ പേരുകള്‍ വെളിപ്പെടുത്തരുതെന്ന് പറഞ്ഞ് ജയിലില്‍ വച്ച് തനിക്ക് ഭീഷണി നേരിട്ടെന്ന് വ്യക്‌തമാക്കിയാണ് സ്വപ്‌ന സുരേഷ് കോടതിയെ സമീപിച്ചത്. തനിക്ക് ജയിലില്‍ സുരക്ഷ ഒരുക്കണമെന്ന് ആവശ്യപ്പെട്ട സ്വപ്‌നക്ക് കോടതി സുരക്ഷ നൽകാന്‍ ഉത്തരവിട്ടു. തുടര്‍ന്ന് ജയില്‍ വകുപ്പ് സംഭവത്തില്‍ അന്വേഷണം നടത്തിയെങ്കിലും ഭീഷണിപ്പെടുത്തിയെന്ന് സ്വപ്‌ന പറഞ്ഞ സംഭവത്തില്‍ തെളിവുകള്‍ ഒന്നും തന്നെ ലഭിച്ചില്ല. അതിന് ശേഷമാണ് ഇപ്പോള്‍ ജയിൽവകുപ്പ് ഹൈക്കോടതിയില്‍ അപ്പീല്‍ നല്‍കിയിരിക്കുന്നത്.

Read also : കോൺഗ്രസ് വിമതന്റെ പിന്തുണ ഇടതിന്; തൃശൂർ കോർപ്പറേഷനും പിടിച്ചടക്കി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE