ടോക്കിയോ: പുതുതായി വിവാഹിതര്‍ ആകുന്ന ദമ്പതികള്‍ക്ക് 6,00,000 യെന്‍ (4.2 ലക്ഷം രൂപ) നല്‍കാനൊരുങ്ങി ജപ്പാന്‍ സര്‍ക്കാര്‍. രാജ്യത്തെ ജനന നിരക്ക് കുത്തനെ കുറയുന്ന സാഹചര്യത്തിലാണ് ഈ തീരുമാനം.
വിവാഹം നടത്താനുള്ള സാമ്പത്തിക ബുദ്ധിമുട്ട് കൊണ്ട് ഒട്ടേറെ യുവതീ യുവാക്കള്‍ വിവാഹിതരാകുന്നില്ല എന്ന വിലയിരുത്തലിന്റെ അടിസ്ഥാനത്തിലാണ് ഈ തീരുമാനം. നാഷണല്‍ ഇന്‍സ്റ്റിറ്റ്യൂട്ട് ഓഫ് പോപ്പുലേഷന്‍ ആന്‍ഡ് സോഷ്യല്‍ സെക്യൂരിറ്റി റിസര്‍ച്ച് 2015ല്‍ നടത്തിയ സര്‍വ്വേയിലാണ് 25 വയസിനും 34 വയസിനും ഇടയില്‍ പ്രായമുള്ളവരില്‍ 29.1 ശതമാനം യുവാക്കളും 17.8 ശതമാനം യുവതികളും വിവാഹത്തിന് പണം കണ്ടെത്താനുള്ള പ്രയാസം കൊണ്ട് അവിവാഹിതരായി തുടരുകയാണെന്ന് കണ്ടെത്തിയത്.
വരുന്ന ഏപ്രില്‍ മുതലായിരിക്കും ഈ തീരുമാനം നടപ്പിലാകുക. എന്നാല്‍, വിവാഹിതരാകുന്നവര്‍ 40 വയസിന് താഴെയുള്ളവര്‍ ആയിരിക്കണം, ഇരുവരുടെയും മൊത്ത വരുമാനം 38 ലക്ഷം രൂപക്കും താഴെയാവണമെന്നും നിബന്ധനയുണ്ട്. ‘ജപ്പാന്‍ ടുഡേ’യാണ് വാര്‍ത്ത റിപ്പോര്‍ട്ട് ചെയ്‌തിരിക്കുന്നത്‌.
Entertainment News: അടുത്തതായി ടോവിനോയുടെ ‘വരവ്’
