ന്യൂഡെൽഹി: നാഷണൽ ടെസ്റ്റിങ് ഏജൻസി ഏപ്രിൽ 27 മുതൽ 30 വരെ നടത്തുന്ന മൂന്നാംഘട്ട ജെഇഇ മെയിൻ പരീക്ഷ 2021 (ബിഇ/ബിടെക് പേപ്പർ I) പരീക്ഷാപേക്ഷ ഓൺലൈനായി ഏപ്രിൽ 4 വരെ സമർപ്പിക്കാം. ഫീസ് അടക്കുന്നതിന് ഏപ്രിൽ 5 വരെ സമയമുണ്ട്. വിവരങ്ങൾ എൻടിഎയുടെ ഔദ്യോഗിക വെബ്സൈറ്റിലും ജെഇഇ മെയിന്റെ വെബ്സൈറ്റിലും ലഭ്യമാണ്.
നാലാംഘട്ട ജെഇഇ മെയിൻ പരീക്ഷ മെയ് 24 മുതൽ 28 വരെ തീയതികളിൽ നടക്കും. ബിഇ/ബിടെക്, ബി ആർക്, ബി പ്ളാനിങ് കോഴ്സുകളിൽ പ്രവേശനത്തിനായുള്ള പേപ്പർ ഒന്നും രണ്ടും ഘട്ടത്തിലുണ്ടാകും. ഏപ്രിൽ/മെയ് സെഷനിലെ പരീക്ഷകൾക്കായി നേരത്തെ അപേക്ഷിച്ചിട്ടുള്ളവർക്ക് മാറ്റങ്ങൾ വരുത്തി പരിഷ്കരിക്കുന്നതിന് ഏപ്രിൽ 4 വരെ സൗകര്യം ലഭിക്കും. വിശദ വിവരങ്ങൾക്ക്: https://www.nta.ac.in/
Read also: തിരഞ്ഞെടുപ്പ് പ്രചാരണം; രാജ്നാഥ് സിംഗും, ജെപി നഡ്ഡയും ഇന്ന് കേരളത്തിൽ