കണ്ണൂര്: ബ്രണ്ണന് കോളേജിലെ സഹപാഠി ഫ്രാന്സിസിന്റെ മകന് ജോബി സുധാകരനെ കാണാന് കണ്ണൂരിലെത്തി. ഞായറാഴ്ച രാത്രി കണ്ണൂര് നടാലിലെ വീട്ടിലെത്തിയാണ് ജോബി കെ സുധാകരനെ കണ്ടത്. സുധാകരനോട് ബഹുമാനമാണെന്നും തെറ്റിധാരണ കൊണ്ടാണ് എതിർത്ത് സംസാരിച്ചതെന്നും ജോബി പറഞ്ഞു.
ബ്രണ്ണന് കോളേജിലെ പഠനകാലത്ത് പിണറായി വിജയനെ കെഎസ്യു പ്രവര്ത്തകനായ ഫ്രാന്സിസ് ആക്രമിച്ചെന്ന സുധാകരന്റെ പ്രസ്താവനക്കെതിരെ നേരത്തെ ജോബി രംഗത്തുവന്നിരുന്നു.
പ്രസ്താവന വേദനിപ്പിക്കുന്നതാണെന്നും പിന്വലിച്ചില്ലെങ്കില് നിയമനടപടി സ്വീകരിക്കുമെന്നും ജോബി അറിയിച്ചിരുന്നു. എന്നാൽ തെറ്റിധാരണ കാരണമാണ് അത്തരത്തിൽ താൻ പ്രതികരിച്ചതെന്നും സുധാകരനെതിരെ നിയമനടപടി ആവശ്യമില്ലെന്നുമാണ് സന്ദർശനത്തിന് ശേഷം ജോബി പറഞ്ഞത്.
Read also: ലോക്ക്ഡൗണ് ലംഘിച്ച് മതപഠന ക്ളാസ്; മദ്രസാ അധ്യാപകനെതിരെ കേസ്