പാലക്കാട്: കോവിഡിനെ തുടർന്ന് വാളയാർ അതിർത്തിയിൽ നിയന്ത്രണങ്ങൾ കർശനമാക്കി കേരളവും. നിലവിൽ ആർടിപിസിആർ സർട്ടിഫിക്കറ്റോ, രണ്ട് ഡോസ് കോവിഡ് വാക്സിൻ സ്വീകരിച്ചതിന്റെ സർട്ടിഫിക്കറ്റോ ഉള്ള ആളുകൾക്ക് മാത്രമാണ് കേരളത്തിലേക്ക് പ്രവേശനം അനുവദിക്കുന്നത്. ഇവയില്ലാതെ സംസ്ഥാനത്തേക്ക് പ്രവേശിക്കുന്നവരെ അതിർത്തിയിൽ തടയുന്നുണ്ട്.
വാളയാർ അതിർത്തിയിൽ തമിഴ്നാടും നേരത്തെ തന്നെ നിയന്ത്രണങ്ങൾ കർശനമാക്കിയിരുന്നു. കേരളത്തിൽ കോവിഡ് വ്യാപനം രൂക്ഷമായ പശ്ചാത്തലത്തിലാണ് തമിഴ്നാടിന്റെ തീരുമാനം. സർട്ടിഫിക്കറ്റുകൾക്ക് പുറമേ തമിഴ്നാടിന്റെ കോവിഡ് പോർട്ടലിൽ രജിസ്റ്റർ ചെയ്യണമെന്നും നിർദ്ദേശം നൽകിയിട്ടുണ്ട്.
വാക്സിൻ എടുക്കാത്ത ആളുകൾക്കും, ആർടിപിസിആർ പരിശോധന ഫലം കയ്യിൽ ഇല്ലാത്ത ആളുകൾക്കും അതിനുള്ള സൗകര്യം അതിർത്തിയിൽ ഒരുക്കാനുള്ള നീക്കത്തിലാണ് തമിഴ്നാട് സർക്കാർ. അതേസമയം തന്നെ കേരളത്തിൽ നിന്നുള്ള ചരക്ക് വാഹനങ്ങൾക്ക് അതിർത്തി കടക്കുന്നതിന് നിലവിൽ നിയന്ത്രണങ്ങൾ ഏർപ്പെടുത്തിയിട്ടില്ല.
Read also : അഫ്ഗാൻ നേതാക്കൾക്കെതിരെ ഇനിയും ആക്രമണമുണ്ടാകും; മുന്നറിയിപ്പുമായി താലിബാൻ