കൊല്ലം: ഡിസിസി പ്രസിഡണ്ട് ബിന്ദു കൃഷ്‌ണ കൊല്ലം മണ്ഡലത്തിൽ പരാജയപ്പെട്ടത് യുഡിഎഫിന് കനത്ത ആഘാതമാകുന്നു. സിറ്റിങ് എംഎൽഎ മുകേഷിന്റെ 2016ലെ ഭൂരിപക്ഷത്തിൽ കാര്യമായ ഇടിവ് വരുത്താൻ സാധിച്ചെങ്കിലും സംസ്‌ഥാനത്തെ പ്രമുഖ വനിതാ നേതാവിന്റെ പരാജയം പാർട്ടിക്ക് കയ്‌പേറിയതായി.
കൊല്ലം സീറ്റിലേക്ക് കെപിസിസി വൈസ് പ്രസിഡണ്ടും എഐസിസി സെക്രട്ടറിയുമായ പിസി വിഷ്‌ണുനാഥിനെ നിശ്‌ചയിച്ചപ്പോൾ ഡിസിസി ഓഫീസിൽ വന്ന് പൊട്ടിക്കരഞ്ഞ ബിന്ദുവിന് ഒടുവിൽ ആ സീറ്റ് തന്നെ നൽകുകയായിരുന്നു. കൊല്ലത്ത് നിന്ന് കുണ്ടറയിലേക്ക് അവസാന നിമിഷം മാറേണ്ടി വന്ന വിഷ്‌ണുനാഥ്‌ മണ്ഡലത്തിൽ കനത്ത മൽസരം കാഴ്‌ചവെച്ച് മന്ത്രി ജെ മേഴ്‌സിക്കുട്ടിയമ്മയെ അട്ടിമറിച്ചു.
കൊല്ലത്ത് പാർട്ടിക്കുള്ളിൽ ഏറെ നാളായി നിലനിൽക്കുന്ന അഭിപ്രായ വ്യത്യാസങ്ങളും ബിന്ദു കൃഷ്‌ണയുടെ പരാജയത്തിന് ആക്കം കൂട്ടിയെന്നാണ് സൂചന. കോർപറേഷൻ തിരഞ്ഞെടുപ്പിൽ കൊല്ലം മണ്ഡലത്തിന്റെ ഭാഗമായ ഡിവിഷനുകളിൽ പലതിലും കോൺഗ്രസ് സ്‌ഥാനാർഥികൾ ദയനീയ പരാജയം ഏറ്റുവാങ്ങിയിരുന്നു. എന്നിട്ടും, സംഘടനാപരമായ ദൗർബല്യങ്ങൾ പരിഹരിക്കാൻ നടപടിയൊന്നും ഉണ്ടായില്ല.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
