കോഴിക്കോട്: കാലിക്കറ്റ് സര്വകലാശാലയുടെ കീഴിലെ ഫാറൂഖ് ഇന്സ്റ്റിറ്റ്യൂട്ട് ഓഫ് മാനേജ്മെന്റ് സ്റ്റഡീസ് നടത്തുന്ന എം.ബി.എ കോഴ്സിന്റെ രണ്ടാം സെമസ്റ്റര് പരീക്ഷകള് ഓണ്ലൈനായി നടത്തണമെന്ന ആവശ്യം പരിശോധിച്ച് പരിഹാരം കാണണമെന്ന് അറിയിച്ച് സംസ്ഥാന മനുഷ്യാവകാശ കമ്മീഷന്.
കമ്മീഷന് ജുഡീഷ്യല് അംഗം പി. മോഹനദാസ് കാലിക്കറ്റ് സര്വകലാശാല വൈസ് ചാന്സലര്ക്കും പരീക്ഷ കണ്ട്രോളര്ക്കും ഇതുമായി ബന്ധപ്പെട്ട് നിര്ദേശം നല്കി. ടിജോ അക്കര സമര്പ്പിച്ച പരാതിയുടെ ഭാഗമായാണ് നടപടി.
Kerala News: കോവിഡ് മാര്ഗ നിര്ദ്ദേശം ലംഘിച്ച് സമരം ചെയ്യുന്നവര്ക്ക് എതിരെ നടപടി
സര്വകലാശാലയുടെ നിര്ദേശം അനുസരിച്ച് 300ഓളം കുട്ടികള് എട്ട് പേപ്പറുകള് ആണ് എഴുതേണ്ടത്. രാജ്യത്തെ വിവിധ സര്വകലാശാലകള് ഓണ്ലൈന് മുഖേനയാണ് പരീക്ഷകളും ക്ലാസുകളും നടത്തുന്നതെന്ന് ഉത്തരവില് പറയുന്നു.
കേസ് ഒക്ടോബര് ഏഴിന് പരിഗണിക്കും. അതേസമയം മൂന്നാഴ്ച്ചക്കകം റിപ്പോര്ട്ട് സമര്പ്പിക്കണമെന്ന് കമീഷന് ആവശ്യപ്പെട്ടു.