തിരുവനന്തപുരം: തദ്ദേശ തിരഞ്ഞെടുപ്പിൽ എല്ലായിടത്തും എൽഡിഎഫ് മുന്നേറ്റം. കോർപറേഷനുകൾ ഉൾപ്പടെ ഭരണം നേടുകയാണ് എൽഡിഎഫ്. ആകെ 6 കോർപറേഷനുകളിൽ 5 എണ്ണത്തിലും എൽഡിഎഫ് മുന്നേറ്റമാണ്. 2 എണ്ണത്തിൽ മാത്രമാണ് യുഡിഎഫ് ലീഡ് ചെയ്യുന്നത്. മുനിസിപ്പാലിറ്റികളിൽ മാത്രമാണ് യുഡിഎഫിന് ആശ്വാസം. 43 നഗരസഭകളിൽ യുഡിഎഫ് മുന്നേറ്റം തുടരുന്നുണ്ട്. 37 നഗരസഭകളിൽ എൽഡിഎഫിന് ലീഡുണ്ട്. 14 ജില്ലാ പഞ്ചായത്തുകളിൽ 9ലും എൽഡിഎഫ് മുന്നേറുകയാണ്. 5 ജില്ലാ പഞ്ചായത്തുകളിൽ മാത്രമാണ് യുഡിഎഫിന് ലീഡ്.
Also Read: ഗ്രാമ പഞ്ചായത്തുകള് എല്ഡിഎഫ് തരംഗത്തിലേക്ക്
152 ബ്ളോക്ക് പഞ്ചായത്തുകളിൽ 110 പഞ്ചായത്തുകളും എൽഡിഎഫ് കയ്യേറി. 42 ഇടങ്ങളിൽ മാത്രമാണ് യുഡിഎഫ് ലീഡ്. ഗ്രാമപഞ്ചായത്തുകളിൽ എൽഡിഎഫ് തരംഗമാണ് കാണാൻ സാധിക്കുന്നത്. 941 ഗ്രാമ പഞ്ചായത്തുകളിൽ 504ഉം എൽഡിഎഫ് മുന്നേറുന്നു. 374 പഞ്ചായത്തുകളിലാണ് യുഡിഎഫ് ലീഡ്.