കൊച്ചി: കിഴക്കമ്പലത്തെ ആക്രമണത്തിൽ തൊഴിലാളികൾ ഉപയോഗിച്ചത് മദ്യമല്ലെന്ന് സ്‌ഥിരീകരണം. ഇതര സംസ്‌ഥാന തൊഴിലാളികൾ ഉപയോഗിച്ചത് എംഡിഎംഎ ആണോയെന്ന സംശയത്തിലാണ് പോലീസ്. ഇക്കാര്യത്തിൽ വിശദമായ പരിശോധന നടത്തും.
തൊഴിലാളികളുടെ ക്യാംപിൽ നിന്ന് നേരത്തെ എൽഎസ്‌ഡി സ്‌റ്റാമ്പ് പിടികൂടിയിട്ടുണ്ടെന്ന് പോലീസ് അറിയിച്ചു.
അക്രമമുണ്ടായ ക്യാംപിൽ അഞ്ഞൂറോളം തൊഴിലാളികളാണ് ഉള്ളത്. അന്തേവാസികളിൽ മലയാളികളും ഉൾപ്പെടുന്നുവെന്നും പോലീസ് പറഞ്ഞു.
കിഴക്കമ്പലത്ത് പോലീസ് വാഹനം കത്തിച്ചതിൽ ദുരൂഹതയുണ്ടെന്നും പോലീസ് കൂട്ടിച്ചേർത്തു. സാധാരണ വസ്‌തുക്കൾ ഉപയോഗിച്ചല്ല വാഹനം കത്തിച്ചതെന്നാണ് നിഗമനം. കത്തിക്കാൻ മറ്റ് വസ്‌തുക്കളോ രാസപഥാർഥങ്ങളോ ഉപയോഗിച്ചിട്ടുണ്ടോയെന്ന് പോലീസ് പരിശോധിച്ച് വരികയാണ്.
കിഴക്കമ്പലം അക്രമണത്തില്‍ ഇതുവരെ 50 പേരെ അറസ്‌റ്റ് ചെയ്‌തിട്ടുണ്ട്‌. പ്രതികള്‍ക്കെതിരെ 11 വകുപ്പുകളാണ് ചുമത്തിയിട്ടുള്ളത്. പരിക്കേറ്റ പോലീസുകാരുടെ മൊഴിയുടെ അടിസ്‌ഥാനത്തിലാണ് വകുപ്പുകള്‍ ചുമത്തിയത്.
നിലവില്‍ സംഭവുമായി ബന്ധപ്പെട്ട് വധശ്രമം, പോലീസ് വാഹനം തകര്‍ക്കൽ എന്നിങ്ങനെ രണ്ടു കേസുകളാണ് രജിസ്‌റ്റര്‍ ചെയ്‌തിരിക്കുന്നത്‌. ഉഗ്യോഗസ്‌ഥരെ സംഘം ചേര്‍ന്ന് അക്രമിച്ചു, പൊതുമുതല്‍ നശിപ്പിച്ചു, കൈയ്യേറ്റം തുടങ്ങിയ ഗരുതര വകുപ്പുകള്‍ ചുമത്തിയാണ് പ്രതികളെ അറസ്‌റ്റ് ചെയ്‌തത്‌.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
