എറണാകുളം: കൊച്ചി മെട്രോയുടെ സർവീസ് നീട്ടിയതായി കെഎംആർഎൽ. ഇനി മുതൽ കൊച്ചി മെട്രോയുടെ അവസാന സർവീസ് രാത്രി 10 മണിക്കായിരിക്കും പുറപ്പെടുക. നേരത്തെ 9 മണിക്കായിരുന്നു അവസാന സർവീസ് നടത്തിയിരുന്നത്. തുടർന്ന് യാത്രക്കാരുടെ നിരന്തര ആവശ്യം പരിഗണിച്ചാണ് ഇപ്പോൾ സർവീസ് നീട്ടാൻ അധികൃതർ തീരുമാനിച്ചത്.
രാത്രി 9 മണിക്കും 10 മണിക്കും ഇടയിലുള്ള സർവീസുകൾ തമ്മിലുള്ള ഇടവേള 20 മിനിട്ടായിരിക്കും. അതേസമയം കൊച്ചി മേയർ അഡ്വ. എം അനിൽ കുമാർ ഇന്ന് കൊച്ചി മെട്രോ കോർപ്പറേറ്റ് ഓഫീസ് സന്ദർശിച്ചു. കെഎംആർഎല്ലിന്റെ വിവിധ പദ്ധതികളായ ഫേസ് 1 വിപുലീകരണം, ഫേസ് 2 വാട്ടർ മെട്രോ, ഐയുആർഡബ്ള്യൂടിഎസ്, എൻഎംടി എന്നിവയുടെ വിശദമായ വിവരങ്ങൾ കൊച്ചി മെട്രോ എംഡി അദ്ദേഹത്തിന് കൈമാറി. കൂടാതെ എല്ലാ പദ്ധതികളിലും കൊച്ചി മുനിസിപ്പൽ കോർപ്പറേഷന്റെ പിന്തുണ ഉറപ്പാക്കുകയും ചെയ്‌തു.
Read also: സഹോദരിയ്‌ക്ക് കുഞ്ഞുപിറന്നു; ഫ്രീയായി പെട്രോൾ വിതരണം ചെയ്‌ത് യുവാവിന്റെ ‘വിലകൂടിയ’ ആഘോഷം
