മലപ്പുറം: ജില്ലയിലെ കൊണ്ടോട്ടിയിൽ എസ്ഐക്ക് കുത്തേറ്റു. പള്ളിക്കൽ ബസാറിലെ ചെരുപ്പ് കമ്പനിയിൽ പ്രശ്‌നമുണ്ടാക്കിയ പ്രതിയെ പിടികൂടാൻ എത്തിയ കൊണ്ടോട്ടി എസ്ഐ രാമചന്ദ്രനാണ് കുത്തേറ്റത്. കൈക്ക് പരുക്കേറ്റ ഇദ്ദേഹത്തെ കോഴിക്കോട് മിംസ് ആശുപത്രിയിൽ പ്രവേശിപ്പിച്ചു.
ഇന്ന് ഉച്ചകഴിഞ്ഞ് 3.30ഓടെ ആയിരുന്നു സംഭവം. ഒരാൾ വന്ന് ജോലിക്ക് തടസമുണ്ടാക്കുന്നു എന്ന് പള്ളിക്കൽ ബസാറിലെ ചെരുപ്പ് കമ്പനി അധികൃതർ പോലീസിനെ അറിയിച്ചു. ഇതേ തുടർന്നാണ് അന്വേഷണത്തിന് രാമചന്ദ്രൻ സ്‌ഥലത്തെത്തിയത്. തുടർന്ന് പ്രതിയുമായി വാക്കേറ്റമുണ്ടാവുകയും ഇയാൾ എസ്ഐയെ കുത്തി പരുക്കേൽപിക്കുകയും ആയിരുന്നു. പ്രതി ഹരീഷിനെ പോലീസ് പിടികൂടിയിട്ടുണ്ട്.
Read also: അപകട സാധ്യതയുള്ള കെട്ടിടങ്ങൾ കണ്ടെത്തി പൊളിച്ചു നീക്കും; കൊച്ചി നഗരസഭ
