തൃശൂർ : വിലക്ക് ലംഘിച്ച് തൃശൂർ ജില്ലയിലെ കൊടുങ്ങല്ലൂർ ശ്രീകുരുംബ ഭഗവതി ക്ഷേത്രത്തിൽ വീണ്ടും കോഴിബലി നടത്തി. ബലി നടത്തിയ ശേഷം ഓടി രക്ഷപെടാൻ ശ്രമിച്ച 9 അംഗ സംഘത്തെ പോലീസ് അറസ്റ്റ് ചെയ്തു. ബലപ്രയോഗത്തിനിടയിൽ കൊടുങ്ങല്ലൂർ എഎസ്ഐ റോയ് എബ്രഹാമിന് പരിക്കേറ്റിട്ടുണ്ട്.
കോഴിയെ അറുക്കുന്നതിന് വിലക്ക് നിലനിൽക്കുന്ന സാഹചര്യത്തിലാണ് വടക്കേ നടയിൽ കോഴിക്കല്ലിന് സമീപം 9 അംഗ സംഘം കോഴിയെ ബലി നൽകിയത്. തുടർന്ന് ഇവർ രക്ഷപെടാൻ ശ്രമിച്ചെങ്കിലും ബലപ്രയോഗത്തിലൂടെ പോലീസ് ഇവരെ പിടികൂടുകയായിരുന്നു.
കഴിഞ്ഞ ദിവസവും ക്ഷേത്രത്തിൽ വിലക്ക് ലംഘിച്ച് കോഴിയെ ബലി നൽകിയിരുന്നു. ഇതേ തുടർന്ന് നാലംഗ സംഘം രക്ഷപെട്ടു. തുടര്ന്ന് പോലീസ് ഇവിടെ നിരീക്ഷണം ശക്തമാക്കിയിരുന്നു. 1977 മുതൽ ക്ഷേത്രത്തിൽ പക്ഷി-മൃഗ ബലി നിരോധിച്ചതാണ്. പകരം ഭരണിയാഘോഷ നാളിൽ കോഴിയെ സമര്പ്പിച്ച് കുമ്പളം ഗുരുതിക്ക് കൊടുക്കുകയാണ് ചെയ്യുക.
Read also : പേരാമ്പ്ര മണ്ഡലം; പ്രതിസന്ധി ഒഴിയാതെ യുഡിഎഫ് സ്ഥാനാർഥി നിർണയം