കോഴിക്കോട്: താമരശ്ശേരിയിൽ അഴിമതി നടത്തിയതിന് മൂന്ന് ഡെപ്യൂട്ടി തഹസിൽദാർമാർക്ക് സസ്‌പെൻഷൻ. താമരശ്ശേരി താലൂക്ക് ഓഫിസിലെ ഉദ്യോഗസ്‌ഥരായിരുന്ന പിഎൻ പ്രവീൺ കുമാർ, കെ ലതീഷ് കുമാർ, ശ്രീധരൻ വലക്കുളവൻ എന്നിവരെയാണ് വിജിലൻസ് അന്വേഷണ റിപ്പോർട്ടിന്റെ അടിസ്‌ഥാനത്തിൽ സസ്‌പെൻഡ് ചെയ്‌തത്‌.
2015- 2016 കാലയളവിൽ അനധികൃതമായി മണൽ കടത്തിയതിന് കസ്‌റ്റഡിയിലെടുത്ത 61 വാഹനങ്ങളിൽ നിന്ന് നിയമാനുസരണം പിഴ ഈടാക്കാതെ വിട്ട് നൽകിയെന്ന പരാതിയെ തുടർന്നാണ് വിജിലൻസ് അന്വേഷണം നടത്തിയത്. ഉദ്യോഗസ്‌ഥർ അഴിമതി നടത്തിയെന്നും ഇതുവഴി സർക്കാരിന് പതിനൊന്ന് ലക്ഷം രൂപയുടെ നഷ്‌ടം ഉണ്ടായെന്നും അന്വേഷണത്തിൽ കണ്ടെത്തിയിരുന്നു.
Most Read: ആന്ധ്രയിൽ ജില്ലകളുടെ എണ്ണം കൂടും; ഒറ്റയടിക്ക് 13, നിർണായക നീക്കം
