സിപിഐഎം സംഘടനക്ക് എതിരെ കെഎസ്ഇബി; എംജി സുരേഷിന് സസ്‌പെൻഷൻ

By Trainee Reporter, Malabar News
kseb-strike
Representational image

തിരുവനന്തപുരം: കെഎസ്ഇബി ഓഫീസേഴ്‌സ് അസോസിയേഷൻ സംസ്‌ഥാന പ്രസിഡണ്ട് എംജി സുരേഷിനെ സസ്‌പെൻഡ് ചെയ്‌തു. കഴിഞ്ഞ ദിവസം കെഎസ്ഇബി ചെയർമാനെതിരെ എംജി സുരേഷിന്റെ നേതൃത്വത്തിൽ വൈദ്യുതി ഭവന് മുന്നിൽ സത്യാഗ്രഹവും പ്രതിഷേധവും നടത്തിയിരുന്നു. മാനേജ്‌മെന്റിന്റെ വിലക്ക് മറികടന്നുകൊണ്ടായിരുന്നു ഈ നീക്കം.

ഇതേ തുടർന്നാണ് എംജി സുരേഷിനെതിരെ നടപടി എടുത്തത്. കെഎസ്ഇബിയിലെ വനിതാ എക്‌സി‌ക്യൂട്ടീവ് എഞ്ചിനിയറെ നിയമവിരുദ്ധമായി സസ്‌പെൻഡ് ചെയ്‌തതാണ്‌ നിലവിലെ പ്രശ്‌നങ്ങൾക്ക് കാരണം. അനുമതി കൂടാതെ അവധിയിൽ പോയി, ചുമതല കൈമാറുന്നതിൽ വീഴ്‌ച വരുത്തി എന്നീ ആരോപണങ്ങൾ ഉന്നയിച്ചു മാർച്ച് 28ന് ആയിരുന്നു വനിതാ എക്‌സി‌ക്യൂട്ടീവ് എഞ്ചിനിയർക്ക് സസ്‌പെൻഷൻ ഉത്തരവ് നൽകിയത്.

സസ്‌പെൻഷൻ പിൻവലിക്കണമെന്ന് ആവശ്യപ്പെട്ട് നിവേദനം നൽകിയപ്പോൾ ചെയർമാൻ പരിഹസിച്ചുവെന്നും, സംഘടനയുമായി ചർച്ചക്ക് പോലും തയ്യാറാകുന്നില്ലെന്നും കെഎസ്ഇബി ഓഫീസേഴ്‌സ് അസോസിയേഷൻ ആരോപിച്ചിരുന്നു. തുടർന്നാണ് എംജി സുരേഷിന്റെ നേതൃത്വത്തിൽ വൈദ്യുതി ഭവന് മുന്നിൽ സത്യാഗ്രഹവും പ്രതിഷേധവും നടത്തിയത്.

Most Read: രക്‌തചൊരിച്ചില്‍ ഒന്നിനും പരിഹാരമല്ല; യുക്രൈൻ കൂട്ടക്കൊലയെ അപലപിച്ച് വിദേശകാര്യമന്ത്രി

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE