ന്യൂഡെൽഹി: മുതിർന്ന രാഷ്‌ട്രീയ ജനതാദൾ (ആർ‌ജെഡി) നേതാവും മുൻ ബിഹാർ മുഖ്യമന്ത്രിയും ആയിരുന്ന ലാലു പ്രസാദിനെ വിദഗ്‌ധ ചികിൽസക്കായി ഡെൽഹിയിലെ ഓൾ ഇന്ത്യ ഇൻസ്‌റ്റിറ്റ്യൂട്ട് ഓഫ് മെഡിക്കൽ സയൻസസിലേക്ക് (എയിംസ്) മാറ്റി. റാഞ്ചിയിൽ നിന്നും എയർ ആംബുലൻസിലാണ് അദ്ദേഹത്തെ ഡെൽഹിയിലേക്ക് എത്തിച്ചത്.
ഇദ്ദേഹത്തിന്റെ ചികിൽസക്കായി പ്രത്യേക ഡോആർമാരുടെ സംഘത്തെയും നിയോഗിച്ചിട്ടുണ്ട്.
റാഞ്ചിയിലെ രാജേന്ദ്ര ഇൻസ്‌റ്റിറ്റ്യൂട്ട് ഓഫ് മെഡിക്കൽ സയൻസസിൽ (റിംസ്) ചികിൽസയിൽ കഴിഞ്ഞിരുന്ന ലാലു പ്രസാദിനെ എയിംസിലേക്ക് മാറ്റാൻ ജാർഖണ്ഡിലെ സ്‌റ്റേറ്റ് മെഡിക്കൽ ബോർഡ് നിർദ്ദേശിച്ചിരുന്നു.
ലാലുവിന്റെ വൃക്കയുടെ പ്രവര്‍ത്തനം അതീവ ഗുരുതരാവസ്‌ഥയിൽ ആണെന്ന് റിംസിലെ ഡോക്‌ടര്‍മാര്‍ പറഞ്ഞതായി നേരത്തെ റിപ്പോർട്ടുകൾ പുറത്തുവന്നിരുന്നു.
Read Also: കർഷകരുടെ ട്രാക്‌ടർ റാലി; അന്തിമ തീരുമാനം എടുത്തിട്ടില്ലെന്ന് ഡെൽഹി പോലീസ്
