ആലപ്പുഴ: ആലപ്പുഴ നഗരസഭയില് യുഡിഎഫിനെ മലര്ത്തിയടിച്ച് എല്ഡിഎഫ്. നഗരസഭ ഭരണം നിലനിർത്താൻ ഇറങ്ങിയ യുഡിഎഫിനെ അട്ടിമറിച്ചാണ് എല്ഡിഎഫ് വിജയം. ആലപ്പുഴ ജില്ലയിലെ നഗരസഭകളില് രണ്ടിടത്ത് യുഡിഎഫും രണ്ടിടത്ത് എല്ഡിഎഫും മുന്നിലാണ്. ആലപ്പുഴ ജില്ലയില് നിയമസഭ തെരഞ്ഞെടുപ്പില് എല്ഡിഎഫ് കരുത്തുകാട്ടിയെങ്കിലും കഴിഞ്ഞ തവണ നഗരസഭ പിടിച്ചെടുക്കാൻ കഴിഞ്ഞില്ല.
ആലപ്പുഴയിലെ ഗ്രാമീണ മേഖലയിൽ ശക്തമായ സാന്നിധ്യമായി എൽഡിഎഫ് മുന്നേറ്റം തുടരുകയാണ്. ബ്ളോക്ക് പഞ്ചായത്തുകളിൽ 11 ഇടത്തും എൽഡിഎഫാണ് മുന്നേറുന്നത്. ഇവിടെ ഒരു ബ്ളോക്ക് പഞ്ചായത്തിൽ മാത്രമാണ് യുഡിഎഫിന് മുൻതൂക്കമുള്ളത്. ആലപ്പുഴ ജില്ലാ പഞ്ചായത്ത് ഡിവിഷനിലും എൽഡിഎഫ് മുന്നിലാണ്.