തിരുവനന്തപുരം: തദ്ദേശ തിരഞ്ഞെടുപ്പിനുള്ള അന്തിമ വോട്ടർ പട്ടിക നവംബർ 11ന് പ്രസിദ്ധീകരിക്കും. പട്ടിക ഇന്ന് പ്രസിദ്ധീകരിക്കാനാണ് നേരത്തേ തീരുമാനിച്ചിരുന്നത്. എന്നാല് ഏതാനും തദ്ദേശ സ്ഥാപനങ്ങള്ക്ക് നടപടികള് പൂര്ത്തിയാക്കാന് കാലതാമസം നേരിട്ടതിനാലാണ് ഒരു ദിവസം കൂടി സമയം അനുവദിച്ചതെന്ന് സംസ്ഥാന തിരഞ്ഞെടുപ്പ് കമ്മീഷണർ വി ഭാസ്കരൻ അറിയിച്ചു.
സംവരണ വാർഡുകളുടെ തിരഞ്ഞെടുപ്പിൽ തർക്കം ഉണ്ടായ സ്ഥലങ്ങളിൽ നറുക്കെടുപ്പിന് പുനർവിജ്ഞാപനം പുറപ്പെടുവിച്ചു. നറുക്കെടുപ്പ് നാളെ നടക്കും. ഹൈക്കോടതി ഉത്തരവ് അനുസരിച്ചാണ് പുനർവിജ്ഞാപനവും നറുക്കെടുപ്പും. അതേസമയം, നടപടിക്രമങ്ങൾ പൂർത്തിയാക്കിയ തദ്ദേശ സ്ഥാപനങ്ങൾക്ക് ഇന്നു തന്നെ പട്ടിക പ്രസിദ്ധീകരിക്കാവുന്നതാണ്.
Also Read: എല്ഡിഎഫ് യോഗം ഇന്ന്; കേരള കോണ്ഗ്രസ് വിഭാഗം ആദ്യമായി പങ്കെടുക്കും