വിശ്വാസ സാഗരമായി സ്വലാത്ത് നഗർ; ഭക്‌തിസാന്ദ്രമായ മഅ്ദിന്‍ ആത്‌മീയ സമ്മേളനം സമാപിച്ചു

By Desk Reporter, Malabar News
Malappuram Swalath Nagar Conference 2021
സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി ആത്‌മീയ സമ്മേളനത്തിൽ മുഖ്യ പ്രഭാഷണം നിർവഹിക്കുന്നു

മലപ്പുറം: മഅ്ദിന്‍ അക്കാദമിയുടെ ആഭിമുഖ്യത്തില്‍ സ്വലാത്ത് നഗറില്‍ ആത്‌മീയ സമ്മേളനവും സ്വലാത്ത് മജ്‌ലിസും സംഘടിപ്പിച്ചു. റമദാന് മുന്നോടിയായി നടന്ന പരിപാടി സമസ്‌ത ജില്ലാ സെക്രട്ടറി പി ഇബ്‌റാഹീം ബാഖവി ഉൽഘാടനം ചെയ്‌തു.

Malappuram Swalath Nagar Conference
സ്വലാത്ത് നഗറിൽ നടന്ന ആത്‌മീയ സമ്മേളനത്തിൽ പങ്കെടുക്കുന്ന ആയിരങ്ങൾ

ആത്‌മീയ സമ്മേളനത്തിന് മഅ്ദിന്‍ ചെയര്‍മാന്‍ സയ്യിദ് ഇബ്റാഹീമുല്‍ ഖലീലുല്‍ ബുഖാരി നേതൃത്വം നല്‍കി. വിശുദ്ധ റമസാന്‍ സുകൃതങ്ങളുടെ വിളവെടുപ്പ് കാലമാണെന്നും വിശ്വാസി സമൂഹം പുണ്യമാസത്തെ അര്‍ഹിക്കുന്ന രീതിയില്‍ വരവേല്‍ക്കണമെന്നും ഇദ്ദേഹം ഓർമപ്പെടുത്തി. തെരഞ്ഞെടുപ്പും വിജയാഘോഷങ്ങളും അപരന്റെ അഭിമാനം പിച്ചിച്ചീന്തുന്നതാവരുതെന്നും പുണ്യ മാസത്തിന്റെ പവിത്രത വിശ്വാസികള്‍ കാത്ത് സൂക്ഷിക്കണമെന്നും ഖലീലുല്‍ ബുഖാരി കൂട്ടിച്ചേര്‍ത്തു.

കഴിഞ്ഞ ദിവസം മരണപ്പെട്ട പ്രമുഖ ഇസ്‌ലാമിക പണ്ഡിതനും ഇസ്‌ലാമിക് എജ്യുക്കേഷന്‍ ബോര്‍ഡ് ഓഫ് ഇന്ത്യയുടെ ഡയറക്‌ടറുമായിരുന്ന ശാന്തപുരം ശാഹുല്‍ ഹമീദ് ബാഖവിയെ ചടങ്ങില്‍ അനുസ്‌മരിച്ചു. റമദാൻ മുന്നൊരുക്ക പ്രഭാഷണം, വിര്‍ദുല്ലത്വീഫ്, ഇസ്‌തിഗ്‌ഫാർ, സ്വലാത്ത്, തൗബ, പ്രാർഥന, അന്നദാനം എന്നിവയും പരിപാടിയുടെ ഭാഗമായി നടന്നു.

സയ്യിദ് ഇസ്‌മാഈൽ ബുഖാരി കടലുണ്ടി, സയ്യിദ് ശിഹാബുദ്ധീന്‍ ബുഖാരി, സയ്യിദ് അബ്‌ദുറഹ്‌മാന്‍ മുല്ലക്കോയതങ്ങള്‍ പാണ്ടിക്കാട്, സയ്യിദ് ഹുസൈന്‍ അസ്സഖാഫ്, സയ്യിദ് മുഹമ്മദ് ഫാറൂഖ് ജമലുല്ലൈലി, സമസ്‌ത കേന്ദ്ര മുശാവറ അംഗം പൊൻമള മൊയ്‌തീൻകുട്ടി ബാഖവി, സമസ്‌ത ജില്ലാ സെക്രട്ടറി ഇബ്റാഹീം ബാഖവി മേല്‍മുറി, അബ്‌ദുൽ ജലീല്‍ സഖാഫി കടലുണ്ടി, സുലൈമാന്‍ ഫൈസി കിഴിശ്ശേരി, അബൂബക്കര്‍ സഖാഫി അരീക്കോട്, കേരള മുസ്‌ലിം ജമാഅത്ത് മലപ്പുറം ജില്ലാ ജനറല്‍ സെക്രട്ടറി മുസ്‌തഫ മാസ്‌റ്റർ കോഡൂര്‍, മഅ്ദിന്‍ ഗ്രാന്റ് മസ്‌ജിദ്‌ ഇമാം ശൗക്കത്ത് സഖാഫി കച്ചേരിപ്പറമ്പ് എന്നിവരും ആത്‌മീയ സമ്മേളനത്തിൽ പ്രസംഗിച്ചു.

പൂർണ്ണ വായനയ്ക്ക്

Most Read: പിൻമാറില്ല, കർഷക സമരം ശക്‌തമാക്കും; രാകേഷ് ടിക്കായത്ത്

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE