പെരുമ്പടപ്പ് ∙ പാലപ്പെട്ടിയിൽ വീടുകയറി ആക്രമണം നടത്തിയ കേസിൽ പോലീസിന്റെ ഗുണ്ടാപ്പട്ടികയിൽ ഉൾപ്പെട്ട രണ്ടുപേരെ അറസ്റ്റ് ചെയ്തു. പാലപ്പെട്ടി കാക്കത്തറയിൽ അജ്മൽ (21), കള്ളിവളപ്പിൽ മുഹമ്മദ് സിയാദ് (21) എന്നിവരാണ് അറസ്റ്റിലായത്.
2020 ഡിസംബറിൽ പാലപ്പെട്ടിയിലെ വീട്ടിൽ കയറി അക്രമം നടത്തുകയും ഗർഭിണിയെ ചവിട്ടി വീഴ്ത്തുകയും ചെയ്ത ശേഷം ഒളിവിൽ കഴിയുകയായിരുന്നു പ്രതികളെന്ന് പോലീസ് പറഞ്ഞു. എസ്ഐമാരായ പിജി അനൂപ്, ഇവി സുരേഷ് എന്നിവരുടെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്.
Also Read: സ്പീക്കറുടെ പിഎ ചമഞ്ഞ് തൊഴിൽ തട്ടിപ്പ്; പ്രതിയെ പിടികൂടി; നാടകീയം