ന്യൂഡെൽഹി: കോൺഗ്രസ് മുതിർന്ന നേതാവും ലോക്സഭയിലെ മുൻ സഭാ നേതാവുമായ മല്ലികാർജുൻ ഖാർഗെ രാജ്യസഭയിലെ പ്രതിപക്ഷ നേതാവാകും. ഗുലാം നബി ആസാദ് വിരമിച്ച സാഹചര്യത്തിലാണ് ഖാർഗെ പ്രതിപക്ഷ നേതാവാകുന്നത്. പി ചിദംബരം, ആനന്ദ് ശർമ, ദ്വിഗ്വിജയ് സിങ് അടക്കമുള്ള നേതാക്കളെ തഴഞ്ഞാണ് ചുമതലയിലേക്ക് ഖാർഗെയെ തിരഞ്ഞെടുത്തത്.
വർഷങ്ങളായി ഗുലാം നബി ആസാദ് കൈകാര്യം ചെയ്തിരുന്ന സ്ഥാനത്തേക്കാണ് ഖാർഗെ എത്തുന്നത്. ഫെബ്രുവരി 15നാണ് ഗുലാം നബി ആസാദ് പ്രതിപക്ഷ സ്ഥാനം ഒഴിയുന്നത്. രാജ്യസഭാ കാലാവധി അവസാനിക്കുന്ന സാഹചര്യത്തിലാണ് ഇത്.
Read also: ഡോളർ കടത്ത് കേസ്; സാമ്പത്തിക ഉറവിടം തേടി എൻഫോഴ്സ്മെന്റ് അന്വേഷണം