ചെറുപുഴ: മാവോവാദി ഭീഷണിയുള്ള പോളിംഗ് സ്‌റ്റേഷനുകളിൽ കനത്ത സുരക്ഷാ ക്രമീകരണങ്ങൾ. ചെറുപുഴ പോലീസ് സ്‌റ്റേഷൻ പരിധിയിലെ കോഴിച്ചാൽ, ജോസ്‌ഗിരി എന്നിവിടങ്ങളിലായി 7 ബൂത്തുകളാണ് മാവോയിസ്‌റ്റ് ഭീഷണിയുള്ള ബൂത്തുകൾ. പയ്യന്നൂർ നിയോജക മണ്ഡലത്തിൽ ഉൾപ്പെട്ട ബൂത്തുകളാണ് ഇവ.
കർണാടക വനാതിർത്തിയോട് ചേർന്നുള്ള പ്രദേശങ്ങളിൽ ഏതാനും വർഷങ്ങളായി വോട്ടെടുപ്പിന് കനത്ത സുരക്ഷയാണ് ഒരുക്കാറുള്ളത്. കോഴിച്ചാൽ സെന്റ് ആഗസ്ററ്യൻസ് എൽപി സ്‌കൂളിലെ 4 ബൂത്തുകൾക്കും ജോസ്‌ഗിരി സെന്റ് ജോസഫ്‌സ് സ്‌കൂളിലെ 3 ബൂത്തുകൾക്കുമാണ് വൻ സുരക്ഷ ഒരുക്കിയിരിക്കുന്നത്. ചെറുപുഴ പോലീസിനെ കൂടാതെ കേന്ദ്രസേനയുടെ ഭാഗമായ ബിഎസ്എഫ് ജവാൻമാരും ആന്റി നക്‌സൽ സ്‌ക്വാഡുമാണ് സുരക്ഷാചുമതലയിൽ ഉള്ളത്.
Read also: നിയമസഭാ തിരഞ്ഞെടുപ്പിനൊപ്പം മലപ്പുറം ലോക്‌സഭാ മണ്ഡലത്തിലും ഇന്ന് വോട്ടെടുപ്പ്
