ന്യൂഡെൽഹി: കഴിഞ്ഞ വർഷം ഇന്ത്യയിൽ ഏറ്റവും അധികം വിറ്റഴിക്കപ്പെട്ട കാറായി മാരുതി സുസുക്കിയുടെ സ്വിഫ്റ്റ്. 1,60,700 യൂണിറ്റുകളുമായാണ് ഈ ഹാച്ച്ബാക്ക് ഇന്ത്യയിൽ ഏറ്റവും കൂടുതൽ വിറ്റഴിക്കപ്പെട്ട കാർ മോഡലായി മാറിയത്. 2005ൽ വിപണിയിലെത്തിയതിന് ശേഷം 2020 വരെയുള്ള കാലയളവിൽ 23 ലക്ഷം യൂണിറ്റുകളുടെ വിൽപ്പനയെന്ന നാഴികക്കല്ലും ഈ മോഡൽ മറികടന്നു.
‘കഴിഞ്ഞ 15 വർഷമായി രാജ്യത്ത് ഏറ്റവുമധികം വിറ്റഴിക്കപ്പെടുന്ന പ്രീമിയം ഹാച്ച്ബാക്കാണ് സ്വിഫ്റ്റ്. 2.3 ദശലക്ഷത്തിലധികം സംതൃപ്തരായ ഉപഭോക്താക്കളാണ് സ്വിഫ്റ്റിന് ഉള്ളത്’ മാരുതി സുസുക്കി ഇന്ത്യ എക്സിക്യൂട്ടീവ് ഡയറക്ടർ (മാർക്കറ്റിംഗ് & സെയിൽസ്) ശശാങ്ക് ശ്രീവാസ്തവ അവകാശപ്പെട്ടു
കോവിഡ് വ്യാപനം ഉണ്ടാക്കിയ പ്രതികൂല സാഹചര്യത്തിലും 2020ൽ സ്വിഫ്റ്റിന്റെ 1,60,700 യൂണിറ്റുകളാണ് വിറ്റഴിച്ചതെന്ന് അദ്ദേഹം വ്യക്തമാക്കി. സ്വിഫ്റ്റ് ഉപഭോക്താക്കളിൽ 53 ശതമാനത്തിലധികം പേരും 35 വയസിന് താഴെയുള്ളവരാണെന്നും അതിനാൽ തന്നെ ഇത് ഭാവിയിലെ കാറാണെന്നും അദ്ദേഹം അഭിപ്രായപ്പെട്ടു.
Read Also: മരക്കാർ റിലീസ് നീട്ടിയേക്കും; ‘ആറാട്ട്’ ആഗസ്റ്റിൽ എത്തും