കോഴിക്കോട്: മാതൃഭൂമി ഡയറക്‌ടറും പരതേനായ എംപി വീരേന്ദ്രകുമാറിന്റെ ഭാര്യയുമായ ഉഷ വീരേന്ദ്രകുമാര്‍ (82) അന്തരിച്ചു. 62 വർഷം നീണ്ട ദാമ്പത്യത്തിന് ശേഷം, 2020 മേയ് 28ലെ ഭർത്താവിന്റെ വിയോഗം ഇവരെ ഏറെ തളർത്തിയിരുന്നു.
കർണാടകയിലെ ബെൽഗാം സ്വദേശികളായ ബാബുറാവ് ഗുണ്ടപ്പ ലേംഗഡെയുടെയും ബ്രാഹ്‌മിലയുടെയും മകളായ ഉഷാദേവി 1958 ലാണ് വീരേന്ദ്രകുമാറിന്റെ ജീവിതസഖിയായത്. എഴുത്തുകാരനും പ്രഭാഷകനും സോഷ്യലിസ്‌റ്റ് നേതാവും മന്ത്രിയും മാതൃഭൂമി മാനേജിങ് ഡയറക്‌ടമായിരുന്ന പരേതനായ എംപി വീരേന്ദ്രകുമാറിന്റെ ജീവിത വഴിയിലെ കരുത്തും തണലുമായിരുന്നു ഉഷ വീരേന്ദ്രകുമാര്‍.
വീരേന്ദ്രകുമാറിന്റെ ജീവിതത്തിലുണ്ടായ കയറ്റങ്ങളും ഇറക്കങ്ങളും രാഷ്‌ട്രീയ വിവാദങ്ങളും ലോക യാത്രകളും എല്ലാം ഉഷ വീരേന്ദ്രകുമാര്‍ കൂടി ഉൾപ്പെടുന്ന ലോകമായിരുന്നു. ഒട്ടുമിക്ക ലോക യാത്രകളിലും ഇവർ കൂടെയുണ്ടാകുമായിരുന്നു. എംപി വീരേന്ദ്രകുമാർ മരണമടഞ്ഞു രണ്ടുവർഷങ്ങൾക്ക് ശേഷമാണ് ഉഷ വീരേന്ദ്രകുമാര്‍ യാത്രയാകുന്നത്.
Most Read: ശ്രീരാമന്റെ ആദര്‍ശങ്ങള്‍ പിന്തുടൽ ഇന്ത്യക്കാരുടെ കടമ;’ നരേന്ദ്രമോദി
