മൊഹാലി: കോവിഡ് സ്‌ഥിരീകരിച്ച സ്‌പ്രിന്റിംഗ് ഇതിഹാസം മില്‍ഖ സിംഗിനെ ഐസിയുവില്‍ പ്രവേശിപ്പിച്ചു. മൊഹാലിയിലെ ഫോര്‍ട്ടീസ് ആശുപത്രിയിലാണ് മില്‍ഖ സിംഗ് ചികിൽസയിൽ കഴിയുന്നത്. ഇദ്ദേഹത്തിന്റെ ആരോഗ്യ നില തൃപ്‌തികരമാണെന്ന് ഡോക്‌ടർമാര്‍ അറിയിച്ചു.
കഴിഞ്ഞ ബുധനാഴ്‌ചയാണ് 91കാരനായ മില്‍ഖ സിംഗിന് കോവിഡ് സ്‌ഥിരീകരിച്ചത്. തുടര്‍ന്ന് അദ്ദേഹം ഹോം ഐസൊലേഷനില്‍ ആയിരുന്നെങ്കിലും രക്‌തത്തിലെ ഓക്‌സിജന്റെ അളവ് കുറയുകയും നേരിയ തോതില്‍ ന്യൂമോണിയ ബാധിക്കുകയും ചെയ്‌ത സാഹചര്യത്തിലാണ് ആശുപത്രിയില്‍ പ്രവേശിപ്പിച്ചത്. മുന്‍കരുതലിന്റെ ഭാഗമായാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്ന് മകന്‍ ജീവ് വ്യക്‌തമാക്കി.
Read Also: വിദേശത്ത് പഠനത്തിനും, ജോലിക്കും പോകുന്നവര്‍ക്ക് വാക്‌സിനേഷനിൽ മുന്‍ഗണന
