ന്യൂഡെല്ഹി: പ്രധാനമന്ത്രി നേരന്ദ്ര മോദിയുടെ സാമ്പത്തിക നയത്തിനും വിദേശ നയത്തിനും എതിരാണ് താനെന്ന് ബിജെപി എംപി സുബ്രഹ്മണ്യന് സ്വാമിയുടെ ട്വീറ്റ്. സാമ്പത്തിക നയത്തിലും വിദേശനയത്തിലും മോദി വിരുദ്ധനാണ് താന് എന്നാണ് സ്വാമി പറഞ്ഞത്. മോദി ഇന്ത്യയുടെ രാജാവല്ലെന്നും ബിജെപി എംപി കൂട്ടിച്ചേർത്തു.
കേന്ദ്ര വിദേശകാര്യ മന്ത്രി എസ് ജയശങ്കറിനേയും ദേശീയ സുരക്ഷാ ഉപദേഷ്ടാവ് അജിത് ഡോവലിനേയും പ്രധാനമന്ത്രി കെട്ടഴിച്ചു വിട്ടിരിക്കുകയാണെന്നും ഇരുവരും സ്വീകരിച്ച നിലപാടുകൾ പലതും കുഴപ്പങ്ങള് ഉണ്ടാക്കിയെന്നും സ്വാമി പറഞ്ഞു. അന്താരാഷ്ട്ര വിഷയങ്ങളില് ഇന്ത്യയ്ക്ക് ഉണ്ടാക്കിയ പ്രശ്നങ്ങളില് ഇവര് മാപ്പ് പറഞ്ഞിട്ടുണ്ടോ എന്നും അദ്ദേഹം ചോദിച്ചു.
Read also: രാഹുൽ ഗാന്ധിയുടെ ട്വിറ്റർ അക്കൗണ്ട് പുനസ്ഥാപിച്ചു