തിരുവനന്തപുരം: സംസ്‌ഥാനത്ത് ഇത്തവണ മെയ് 27ആം തീയതിയോടെ കാലവർഷം ആരംഭിക്കാൻ സാധ്യതയുണ്ടെന്ന് വ്യക്‌തമാക്കി കാലാവസ്‌ഥാ നിരീക്ഷണ കേന്ദ്രം. ഇത് 4 ദിവസം മുന്നോട്ടോ പിന്നോട്ടോ ആകാനും സാധ്യതയുണ്ടെന്നും, അതിനാൽ തന്നെ സംസ്‌ഥാനത്ത് മെയ് 23ആം തീയതി മുതൽ മഴക്ക് അനുകൂലമായ സാഹചര്യമാണ് ഉള്ളതെന്നും കാലാവസ്‌ഥാ കേന്ദ്രം സൂചിപ്പിക്കുന്നുണ്ട്.
ഞായറാഴ്‌ചയോടെ കാലവർഷം തെക്ക് കിഴക്കൻ ബംഗാൾ ഉൾക്കടലിലും, ആൻഡമാൻ കടലിലും എത്തിച്ചേരുമെന്നാണ് വ്യക്‌തമാക്കുന്നത്‌. കൂടാതെ മുൻ വർഷങ്ങളിലേക്കാൾ അധിക മഴ ഇത്തവണ ലഭിക്കുമെന്നും കാലാവസ്‌ഥാ കേന്ദ്രം വ്യക്‌തമാക്കി.
അതേസമയം സംസ്‌ഥാനത്ത് വരും മണിക്കൂറുകളിലും ശക്‌തമായ മഴക്ക് സാധ്യതയുണ്ട്. മൂന്ന് ജില്ലകളിലാണ് ഇന്ന് യെല്ലോ അലർട് പ്രഖ്യാപിച്ചിരുന്നത്. നാളെയും ശക്‌തമായ മഴയുടെ പശ്‌ചാത്തലത്തിൽ സംസ്‌ഥാനത്തെ 9 ജില്ലകളിൽ യെല്ലോ അലർട് പ്രഖ്യാപിച്ചിട്ടുണ്ട്.
Read also: പീഡനക്കേസ്; മലപ്പുറത്തെ സിപിഎം നേതാവായ അധ്യാപകൻ പിടിയിൽ
