തൃശൂര്: വാളയാറിൽ പീഡനത്തിനിരയായി കൊല്ലപ്പെട്ട പെൺകുട്ടികളുടെ അമ്മ ധർമ്മടത്ത് മുഖ്യമന്ത്രി പിണറായി വിജയനെതിരെ മൽസരിക്കും. സ്വതന്ത്ര സ്ഥാനാർഥിയായാകും മൽസരിക്കുക. തൃശൂരിൽ വെച്ചാണ് പ്രഖ്യാപനം നടത്തിയത്.
കേസ് അട്ടിമറിച്ച പോലീസ് ഉദ്യോഗസ്ഥര്ക്കെതിരെ നടപടി ആവശ്യപ്പെട്ട് അമ്മ ജനുവരി 26 മുതല് പാലക്കാട് വഴിയോരത്ത് സത്യഗ്രഹ സമരം നടത്തുകയാണ്. പോലീസ് ഓഫീസര്മാര്ക്കെതിരെ നടപടിയെടുക്കാത്ത സംസ്ഥാന സര്ക്കാരിന്റെ നിലപാടില് പ്രതിഷേധിച്ച് കഴിഞ്ഞ മാസം കുട്ടികളുടെ അമ്മ തല മുണ്ഡനം ചെയ്തിരുന്നു.
തിരഞ്ഞെടുപ്പു പ്രഖ്യാപനത്തിനു മുന്പെങ്കിലും പോലീസിനെതിരെ നടപടി ഉണ്ടായില്ലെങ്കില് തൊട്ടടുത്ത ദിവസം തല മുണ്ഡനം ചെയ്ത് കേരളത്തിലെ അമ്മമാര്ക്കിടയിലേക്ക് ഇറങ്ങുമെന്നു കുട്ടികളുടെ അമ്മ അറിയിച്ചിരുന്നു. ഇതിന്റെ തുടര്ച്ചയായാണു പാലക്കാട്ടെ സമരപ്പന്തലില് വച്ച് അമ്മ തല മുണ്ഡനം ചെയ്തത്.
2017ലാണ് 13ഉം 9ഉം വയസുള്ള സഹോദരിമാരെ വാളയാറിലെ വീട്ടില് മരിച്ച നിലയില് കണ്ടെത്തിയത്. നിലവിൽ കേസിന്റെ അന്വേഷണം സിബിഐക്ക് കൈമാറിയിരിക്കുക ആണ്.
Read Also: എന്സിപിയില് ചേരാനൊരുങ്ങി പിസി ചാക്കോ; ശരദ് പവാറുമായി ഇന്ന് നിർണായക കൂടിക്കാഴ്ച