കൊച്ചി: സയ്യിദ് മുഷ്താഖ് അലി ടി-20 ടൂര്ണമെന്റിനുള്ള കേരള ക്രിക്കറ്റ് ടീമിനെ സഞ്ജു സാംസണ് നയിക്കും. കഴിഞ്ഞ തവണയും സഞ്ജുവാണ് നയിച്ചിരുന്നത്. സച്ചിന് ബേബിയാണ് വൈസ് ക്യാപ്റ്റന്. അതിഥി താരങ്ങളായ റോബിന് ഉത്തപ്പ, ജലജ് സക്സേന എന്നിവരും ടീമിലുണ്ട്. കഴിഞ്ഞ വര്ഷം ടീമിലുണ്ടായിരുന്ന സീനിയര് താരം എസ് ശ്രീശാന്ത് പുറത്തായി.
20 അംഗ ടീമിനെയാണ് പ്രഖ്യാപിച്ചത്. മുന് ഇന്ത്യന് താരം ടിനു യോഹന്നാണ് പരിശീലകന്. നവംബര് നാലിനാണ് കേരളത്തിന്റെ മൽസരങ്ങള് ആരംഭിക്കുന്നത്. ഗുജറാത്തിന് എതിരെയാണ് ആദ്യ മൽസരം. ബിഹാര്, റയില്വേസ്, അസം, മധ്യപ്രദേശ് എന്നിവര്ക്കെതിരെയും കേരളത്തിന് മൽസരമുണ്ട്. എല്ലാ മൽസരങ്ങളും ഡെല്ഹിയിലാണ് നടക്കുക.
Read Also: ഇന്ത്യ-പാകിസ്ഥാന് ടി-20 മൽസരം; ദേശീയ താല്പര്യത്തിന് എതിരെന്ന് രാംദേവ്