കോഴിക്കോട് : നിയമസഭാ തിരഞ്ഞെടുപ്പിനുള്ള സ്‌ഥാനാർഥികളെ മുസ്‌ലിം ലീഗ് ഇന്ന് പ്രഖ്യാപിക്കും. ഇന്ന് ഉച്ചക്ക് ശേഷം പാണക്കാട് വെച്ച് സംസ്‌ഥാന അധ്യക്ഷന്‍ ഹൈദരലി ശിഹാബ് തങ്ങളാണ് സ്‌ഥാനാര്‍ഥികളെ പ്രഖ്യാപിക്കുക. നിയമസഭാ തിരഞ്ഞെടുപ്പ് സ്‌ഥാനാർഥികൾക്കൊപ്പം തന്നെ മലപ്പുറം ലോക്‌സഭാ മണ്ഡലത്തിലെ ഉപതെരഞ്ഞെടുപ്പിനുള്ള സ്‌ഥാനാർഥിയെയും ഇന്ന് പ്രഖ്യാപിക്കും.
അധിക സീറ്റുകളിൽ ധാരണയാകാത്തതും, പുറത്തു നിന്നുള്ള സ്‌ഥാനാർഥികളെ മണ്ഡലങ്ങളിൽ അംഗീകരിക്കാത്തതുമാണ് ലീഗിന്റെ പട്ടികയിൽ അനിശ്‌ചിതത്വം തുടരാൻ കാരണം. സ്‌ഥാനാര്‍ഥി പട്ടിക പൂര്‍ത്തിയാക്കാനാകാതെ ഇന്നലെ മലപ്പുറം ലീഗ് ആസ്‌ഥാനത്ത് ചേര്‍ന്ന പാര്‍ലമെന്ററി ബോര്‍ഡ് യോഗം പിരിഞ്ഞിരുന്നു. സ്‌ഥാനാർഥി നിർണയത്തിൽ അനിശ്‌ചിതത്വം തുടരുന്ന സാഹചര്യത്തിൽ അനൗദ്യോഗിക ചര്‍ച്ചകളിലൂടെ ഇന്ന് ഉച്ചക്ക് മുമ്പ് ലിസ്‌റ്റിന് അന്തിമരൂപമാക്കാനാണ് നേതൃത്വത്തിന്റെ ശ്രമം.
Read also : സ്‌കാനിയ ഇന്ത്യയിൽ കോഴ നൽകിയെന്ന് ആരോപണം; അന്വേഷണം ആവശ്യപ്പെട്ട് കോൺഗ്രസ്
