ധനുഷിനെ നായകനാക്കി മാരി സെൽവരാജ് സംവിധാനം ചെയ്യുന്ന പുതിയ ചിത്രം ‘കർണ്ണനി’ലെ അടുത്ത ഗാനം പുറത്തെത്തി. ലിറിക്കൽ വീഡിയോ ഗാനമായാണ് അണിയറ പ്രവർത്തകർ ‘യേൻ ആളു പണ്ടാരത്തി’ എന്ന് തുടങ്ങുന്ന ഗാനം പുറത്തിറക്കിയത്. യുഗഭാരതി രചന നിർവഹിച്ച ഗാനത്തിന് സംഗീതം നൽകിയത് സന്തോഷ് നാരായണനാണ്. ദേവ, റീത്ത എന്നിവർ ചേർന്നാണ് ഗാനം ആലപിച്ചിരിക്കുന്നത്.
മാരി സെൽവരാജിന്റെ ‘പരിയേറും പെരുമാൾ’ എന്ന പ്രശസ്ത ചിത്രത്തിന് സംഗീതം നൽകിയതും സന്തോഷ് നാരായണൻ തന്നെയാണ്. പരിയേറും പെരുമാളിലെ ‘വണക്കം വണക്കമുംഗ’ എന്ന ഗാനത്തിന്റെ അതേ ശൈലിയിൽ തന്നെയാണ് കർണ്ണനിലെ പുതിയ ഗാനവും ഒരുക്കിയിരിക്കുന്നത്. ചിത്രത്തിൽ ധനുഷിന്റെ നായികയായി എത്തുന്നത് മലയാളി താരം രജീഷ വിജയനാണ്. ഒപ്പം തന്നെ മലയാളി താരം ലാലും ചിത്രത്തിൽ പ്രധാന കഥാപാത്രമായി എത്തുന്നുണ്ട്.
വി ക്രിയേഷന്സിന്റെ ബാനറില് കലൈപ്പുലി എസ് താണുവാണ് ചിത്രത്തിന്റെ നിര്മാണം നിർവഹിക്കുന്നത്. തേനി ഈശ്വർ ഛായാഗ്രഹണം നിർവഹിക്കുന്ന ചിത്രത്തിൽ സെൽവ ആർകെ ആണ് എഡിറ്റിംഗ് നിർവഹിക്കുന്നത്. കൂടാതെ നടരാജന് സുബ്രഹ്മണ്യന്, യോഗി ബാബു എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. ഏപ്രിലിൽ ചിത്രം പ്രേക്ഷകർക്ക് മുന്നിലെത്തുമെന്നാണ് അണിയറ പ്രവർത്തകർ വ്യക്തമാക്കിയിട്ടുള്ളത്.
Read also : മലയാള ചിത്രങ്ങൾക്ക് പ്രിയമേറുന്നു; മേളയിൽ തിളങ്ങി ചുരുളിയും ഹാസ്യവും