മലപ്പുറം: എസ്വൈഎസ് മലപ്പുറം ഈസ്റ്റ് ജില്ലക്ക് പുതിയ ഭരണസമിതി നിലവിൽ വന്നു. ഇന്നലെ സംഘടിപ്പിച്ച എസ്വൈഎസ് മലപ്പുറം ഈസ്റ്റ് ജില്ലാ യൂത്ത് കൗണ്സിലിന്റെ സമാപന സമ്മേളനത്തോട് അനുബന്ധിച്ച് നടന്ന തിരഞ്ഞെടുപ്പിലാണ് പുതിയ ഭാരവാഹികളായത്.
സംസ്ഥാന വൈസ് പ്രസിഡണ്ട് സയ്യിദ് മുഹമ്മദ് തുറാബ് സഖാഫി നിയന്ത്രിച്ച തെരെഞ്ഞെടുപ്പിൽ 11 അംഗ ഭരണ സമിതിയാണ് അധികാരമേറ്റത്. സികെ ഹസൈനാര് സഖാഫി കുട്ടശ്ശേരിയെ പ്രസിഡണ്ടായും വിപിഎം ഇസ്ഹാഖ് ജനറല് സെക്രട്ടറിയായും കരുവള്ളി അബ്ദുറഹീം ഫിനാൻസ് സെക്രട്ടറിയായും ചുമതലയേറ്റു.
സയ്യിദ് ശിഹാബുദ്ദീന് അഹ്സനിയാണ് ‘സാന്ത്വനം’ വിഭാഗത്തിന്റെ പ്രസിഡണ്ട്. ടി മുഈനുദ്ദീന് സഖാഫി ദഅവ പ്രസിഡണ്ടും സികെ ശക്കീര് ഓര്ഗനൈസിംഗ് സെക്രട്ടറിയായും ചുമതല നിർവഹിക്കും.
ടി സിദ്ദീഖ് സഖാഫി സാമൂഹികം സെക്രട്ടറിയായും സയ്യിദ് മുര്തള ശിഹാബ് ‘സാന്ത്വനം’ സെക്രട്ടറിയായും പിപി മുജീബ് റഹ്മാൻ മീഡിയാ സെക്രട്ടറിയായും അധികാരമേറ്റു. പി യൂസുഫ് സഅദിയാണ് ദഅവ സെക്രട്ടറിയായി ചുമതലയേറ്റത്. സാംസ്കാരിക വിഭാഗം സെക്രട്ടറിയായി ചുമതലയേറ്റത് പികെ മുഹമ്മദ് ഷാഫിയാണ്.
Most Read: സുരേന്ദ്രന്റെ പ്രസ്താവനയിൽ ബിജെപി ജില്ലാ കമ്മിറ്റി നിലപാട് വ്യക്തമാക്കണം; എസ്വൈഎസ്