ജില്ലാ യൂത്ത് കൗണ്‍സില്‍ ഉൽഘാടനം സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി നിർവഹിക്കുന്നു
മലപ്പുറം: രാജ്യത്തിന്റെ ഏറ്റവും വലിയ സമ്പത്താണ് യുവാക്കള്‍. യുവത്വത്തെ ക്രിയാത്‌മകമായി ഉപയോഗപ്പെടുത്താന്‍ നമുക്കാകണമെന്നും ജീർണതകളിലും അപചയങ്ങളിലും അകപ്പെടുക വഴി യുവോര്‍ജ്ജം ഷൺഡീകരിക്കപ്പെടാൻ അനുവദിക്കരുതെന്നും കേരള മുസ്‌ലിം ജമാഅത്ത് സംസ്‌ഥാന ജനറല്‍ സെക്രട്ടറി സയ്യിദ് ഇബ്‌റാഹീമുല്‍ ഖലീല്‍ അല്‍ ബുഖാരി.
ധാര്‍മിക യൗവനത്തിന്റെ സമര സാക്ഷ്യം എന്ന ശീര്‍ഷകത്തില്‍ മഞ്ചേരിയില്‍ സംഘടിപ്പിച്ച എസ്വൈഎസ് മലപ്പുറം ഈസ്‌റ്റ് ജില്ലാ യൂത്ത് കൗണ്‍സിലിന്റെ സമാപന സമ്മേളനം ഉൽഘാടനം ചെയ്‌ത്‌ സംസാരിക്കുകയായിരുന്നു ഇദ്ദേഹം. മഞ്ചേരി സാന്ത്വന സദനത്തില്‍ നടന്ന കൗണ്‍സില്‍ ഇകെ മുഹമ്മദ് കോയ സഖാഫി അധ്യക്ഷത വഹിച്ചു.
ജില്ലയിലെ 638 യൂണിറ്റുകളിലും 75 സര്‍ക്കിളുകളിലും 11 സോണുകളിലും പുതിയ ഭാരവാഹികളെ തിരഞ്ഞെടുക്കുന്ന പ്രക്രിയക്ക് വേണ്ടി നടന്ന ‘യൂത്ത് കൗൺസിൽ’ പൂര്‍ത്തീകരിച്ചാണ് ഇന്നലെ നടന്ന ജില്ലാ യൂത്ത് കൗണ്‍സില്‍ സംഘടിപ്പിച്ചത്. സംസ്‌ഥാന വൈസ് പ്രസിഡണ്ട് സയ്യിദ് മുഹമ്മദ് തുറാബ് സഖാഫിയാണ് കൗണ്‍സിലിൽ തെരെഞ്ഞെടുപ്പ് നിയന്ത്രിച്ചത്.
കേരള മുസ്‌ലിം ജമാഅത്ത് സംസ്‌ഥാന സെക്രട്ടറി വണ്ടൂര്‍ അബ്‌ദുറഹ്‌മാൻ ഫൈസി, കൂറ്റമ്പാറ അബ്‌ദുറഹ്‌മാൻ ദാരിമി, എസ്വൈഎസ് സംസ്‌ഥാന സെക്രട്ടറിമാരായ മജീദ് കക്കാട്, മുഹമ്മദ് പറവൂര്‍, എന്‍എം സ്വാദിഖ് സഖാഫി, റഹ്‌മത്തുള്ള സഖാഫി എളമരം, പികെ അബൂബക്കര്‍ മാസ്‌റ്റർ പടിക്കല്‍, ബഷീര്‍ പറവന്നൂര്‍, കെപി ജമാല്‍ കരുളായി, എപി ബശീര്‍ ചെല്ലക്കൊടി തുടങ്ങിയവര്‍ സംസാരിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
