തിരുവനന്തപുരം: നിയമസഭാ കൈയ്യാങ്കളി കേസില് ജാമ്യം നേടി മന്ത്രിമാരായ ഇപി ജയരാജനും കെടി ജലീലും. തിരുവനന്തപുരം സിജെഎം കോടതിയാണ് ഇരുവര്ക്കും ജാമ്യം അനുവദിച്ചത്. നേരത്തെ, കേസിലെ വിചാരണ സ്റ്റേ ചെയ്യണമെന്ന സര്ക്കാര് ആവശ്യം തള്ളിയ ഹൈക്കോടതി പ്രതികളോട് വിചാരണ കോടതിയില് ഹാജരാകാന് നിര്ദ്ദേശിക്കുക ആയിരുന്നു.
അതേസമയം കേസിലെ മറ്റ് പ്രതികളായ വി ശിവന്കുട്ടി, കെ അജിത്ത്, കെ കുഞ്ഞഹമ്മദ്, സികെ സദാശിവന് എന്നിവര് കോടതിയില് വിടുതല് ഹരജി സമര്പ്പിച്ചു. കേസ് കോടതി വീണ്ടും നവംബര് 12ന് പരിഗണിക്കും.
2015 ല് ബജറ്റ് അവതരണത്തിനിടെ കൈയ്യാങ്കളി നടത്തിയ കേസിലാണ് മന്ത്രിമാരായ ഇപി ജയരാജിനും കെടി ജലീലിനും ജാമ്യം ലഭിച്ചത്. 2015 മാര്ച്ച് 13ന് അന്നത്തെ ധനമന്ത്രിയായിരുന്ന കെഎം മാണിയുടെ ബജറ്റ് അവതരണം തടസപ്പെടുത്തുന്നതിന് ഇടത് എംഎല്എമാര് സഭയില് കൈയ്യാങ്കളി നടത്തിയെന്നാണ് കേസ്. സംഘര്ഷത്തിന്റെ ഫലമായി രണ്ടു ലക്ഷത്തോളം രൂപയുടെ നാശനഷ്ടങ്ങളാണ് സഭക്കുള്ളില് ഉണ്ടായത്.
Read Also: പള്ളികളിലെ കുമ്പസാരം നിരോധിക്കണം; ഹരജി സുപ്രീം കോടതിയില്