രമേഷ് പിഷാരടിയെ നായകനാക്കി നവാഗതനായ നിതിൻ ദേവീദാസ് ഒരുക്കുന്ന ‘നോ വേ ഔട്’ ചിത്രത്തിന്റെ ട്രെയ്ലർ പുറത്തുവിട്ടു. സർവൈവൽ ത്രില്ലർ ആയി ഒരുക്കിയിരിക്കുന്ന ചിത്രത്തിൽ പിഷാരടിയുടെ പ്രകടനം തന്നെയാണ് ഹൈലൈറ്റ്. മലയാളത്തിൽ അധികം പരീക്ഷിക്കപ്പെട്ടിട്ടില്ലാത്ത ചലച്ചിത്ര വിഭാഗമാണ് സർവൈവൽ ത്രില്ലറുകൾ.
ഹാസ്യ കഥാപാത്രങ്ങളിലൂടെ കൈയ്യടി നേടിയിട്ടുള്ള രമേഷ് പിഷാരടി സീരിയസ് കഥാപാത്രമായെത്തുന്നു എന്നതും പ്രേക്ഷകരെ ഈ ചിത്രത്തിലേക്ക് ആകർഷിക്കുന്ന ഘടകമാണ്. 12 വർഷങ്ങൾക്ക് ശേഷമാണ് രമേഷ് നായക വേഷത്തിൽ അഭിനയിക്കുന്നത്.
രമേഷ് പിഷാരടിയെ കൂടാതെ രവീണ, ബേസിൽ ജോസഫ്, ധർമജൻ ബോൾഗാട്ടി തുടങ്ങിയവരും പ്രധാന കഥാപാത്രങ്ങളെ അവതരിപ്പിക്കുന്നു. സംവിധായകൻ നിധിൻ ഡേവീസ് തന്നെയാണ് ചിത്രത്തിന്റെ കഥയും ഒരുക്കിയിരിക്കുന്നത്. വർഗീസ് ഡേവിഡ് ഛായാഗ്രാഹകനാകുന്ന ചിത്രത്തിന്റെ എഡിറ്റർ കെആർ മിഥുൻ ആണ്. കെആർ രാഹുലാണ് ചിത്രത്തിന് സംഗീതം പകരുന്നത്.
Most Read: ധീരജ് വധക്കേസ് പ്രതിയെ പിന്തുണച്ച ഡീന് കുര്യാക്കോസിനെതിരെ എംഎം മണി