പാലക്കാട്: വടക്കഞ്ചേരി മുടപ്പല്ലൂർ കരിപ്പാലിയിൽ ടൂറിസ്റ്റ് ബസ് ട്രാവലറിൽ ഇടിച്ചുണ്ടായ അപകടത്തിൽ പരിക്കേറ്റ് ചികിൽസയിൽ കഴിയുന്ന രണ്ടുപേരുടെ നില ഗുരുതരമായി തുടരുന്നു. നെൻമാറയിലെ സ്വകാര്യ ആശുപത്രിയിൽ ചികിൽസയിലുള്ള മൂന്ന് കുട്ടികൾ ഉൾപ്പടെ 13 പേർ അപകടനില തരണംചെയ്തു. മൂന്ന് പേരാണ് അപകടത്തിൽ മരിച്ചത്. ദമ്പതികളും അർത്തുങ്കൽ സ്വദേശികളുമായ പൈലി, റോസിലി എന്നിവർക്ക് പുറമേ ചികിൽസയിൽ ആയിരുന്ന ജെസി വർഗീസിന്റെ മരണവും രാത്രിയിൽ സ്ഥിരീകരിച്ചു.
രാവിലെ പോസ്റ്റുമോർട്ടം നടപടികൾ പൂർത്തിയാക്കി മൃതദേഹം ബന്ധുക്കൾക്ക് വിട്ടുനൽകും. ഇന്നലെയാണ് കരിപ്പാലിയിൽ വേളാങ്കണ്ണി ദർശനം കഴിഞ്ഞ് മടങ്ങുകയായിരുന്ന ആലപ്പുഴ സ്വദേശികൾ സഞ്ചരിച്ചിരുന്ന ട്രാവലറിൽ പഴനിക്ക് പോവുകയായിരുന്ന ബസ് നിയന്ത്രണം വിട്ട് വന്നിടിച്ച് അപകടമുണ്ടായത്.
Most Read: ശരിക്കും ഒരു കുതിരയെ പോലെ! കാഴ്ചക്കാരെ അമ്പരപ്പിച്ച് ലോകത്തിലെ ഏറ്റവും വലിയ നായ